Жүргөн кызымдын эжеси кумарга батууга аргасыз кылды…

Айдай экөөбүздүн сүйлөшкөнүбүзгө бир жылдай убакыт болуп калды. Эки-үч күн көрүшпөй калсак кусага батып, сагынышып кетебиз. Азырынча баш кошууга менде шарт жок, жумушум да ойдогудай болбой, кичине кысталып жүрөм. Айдай болсо окуусунан сырткары эжеси Бактыгүлгө жардам берип, Бишкектин Орто-Сай базарында соода кылат.

Бир күнү мен күтпөгөн окуя болду. Айдай базардан азык-түлүк алып берип, үйүнө жеткизип берүүмдү суранды. Эки пакетти алып бардым. Эжеси жаркылдап тосуп алып, чай ичип кетүүмдү суранды. Ал кичине кызуу экен, мурдагыдан башкача болуп, шаңкылдап күлүп, тийишип сүйлөп атты. Столдун үстүн жайнатып, тамак-аштан сырткары арак да койду. Мен ыңгайсыз абалда калдым.

-Эмне майрам?-дедим.

-Эртең туулган күнүм. Кел эми? Кичинеден алалы…-деди Бактыгүл.

Ошентип, экөөбүз ууртап-татып отуруп, бир бөтөлкөнү бүтүрдүк. Башым деңгиреп, кызып да калдым. Бактыгүл болсо мас боло баштады. Жанатан бери тийишип сүйлөп атканы көнүмүшкө айлангандай. Кетүүгө да мезгил келди. Бирок, Бактыгүл белимен кучактап, өпкүлөй баштады. Түртсөм болбойт. Улам кайра жабышып, бир маалда өбүшүп кеттик. Башым караңгылашып баратты. Өзүмдү да кармай албадым. Дароо эле Бактыгүл шымыма колун салып жиберди… Кармагылап… Өзү да чечинди. Аябай дүүлүгүп алган, мени да козгоду. Экөөбүз кошулдук… Жанды сууручудай болуп, төшөктө тажрыйбалуу да экен. “Ишибизди” бүтүрдүк…

Кеч да кирип баратканынан душка кирип, шаша-буша чайканып чыктым. “Айдай келип калбайбы?” деген кыжалаттык мээмди жеп атты. Телефонумду карасам, ал эки жолу чалыптыр. Ыңгайсыз абалда калдым. Аңгыча Бактыгүл да душтан чыкты.

-Мен кеттим…-дедим жер карай.

-Экөөбүздүн ортобузда болсун. Унчукпа,-деди ал.

-Жакшы калыңыз…

Бактыгүл кучактап өптү. Үйдөн чыкканча шаштым. Жолго түштүм. Күн да батып баратат. Айдайдын келип калбаганына шүгүр келтирдим…

Ошентип, мен бир жумадан бери ээндеп жүрөм. “Айылга кетип калдым” деп койгом. Сыр билгизбей Айдай менен телефон аркылуу сүйлөшөм. Ага жолугуудан уялып, алыстаган кербезим да. Бир жагынан Бактыгүл да СМС жазып, өзүнчө “сырдашууну” сунуштайт. Тажатты. Мен болсо Айдайды сүйөм, бири-бирибизди сагындык. Ал чыдамсыздык менен күтүүдө. Эмне кыларымды билбей калдым, ойго батам…

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *