Жыл сайын Бишкекте он миңден окуучу көбөйүдө

Бишкектин мектептеринде балдардын саны нормадан эки эсе көп болуп жатканын билим берүү башкармалыгынын өкүлү Чынара Исакова билдирди. Анын айтымында, Бишкекте жыл сайын окуучулардын саны он миңдеп көбөйүп жатат.

«2015-жылы 127 миң бала болчу, 2016-жылы 137 миң, 2017-жылы 147 миң окуучу катталган. Быйыл 155 миң бала окуйт деп эсептелди. Жыл сайын Бишкекте экиден мектеп курулуп, пайдаланууга берилип жатат. Бирок борбор калаадагы мамлекеттик 97 мектептин долбоордук кубаттуулугу 76 жарым миң балага ылайыкташкан. Азыр окуучулардын саны эки эсе көп. Ал эми жалпы республика боюнча орто мектептердин саны 2,5 миңдин тегерегинде. Аларда окуп жаткан балдардын саны 1,5 миллионго чамалады» деп маалымдады.

Булак: «Азия ньюс»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *