Жылдызкан Жолдошева, экс-депутат: “Текебаев, сен менин алдымда китеп жазып актанба”

Үстүбүздөгү жылдын 5-апрель күнү Бишкек шаарынын Октябрь райондук сотунда 6 жылга созулган, Ө.Текебаев менен болгон сот процесстери жүрүп жатат. Бирок Текебаев сот процесстерине кааласа келет, каалабаса келбейт. 5-апрель күнү өтө турган соттук процессти, жеке, өзү Текебаев соттон суранып, ушул күнгө кароону койдурган болчу, бирок кайрадан эле сотко келбей койду. Ошону менен бирге Текебаев апрель-июнь окуясына күнөөсү жоктугун, сотто өзү дагы, 6 жыл аралыктын ичинде далилдеп бере албай келе жатканы да чындык. Бул тууралуу маалыматты экс-депутат Жылдызкан Жолдошева билдирди.
“Ата-Мекен” партиясы, ошондой эле Асылбек, ӨмүрбекТекебаевтердин апрель-июнь окуяларына эч кандай күнөөсү жоктугун б.а, Текебаевдер, эч кандай күнөө кылган эмеспиз, биз сүттөн акпыз, ошону, Текебаевтерди сүттөн ак деп эле айтып койсоң, биз сени куугунтукка да албайбыз, сотко да бербейбиз»- деп мына 6 жылдан бери менин «досум», мени менен соттошуп келе жатат. Ал эми, мен болсо айтып жатам: “Текебаев, сен менин алдымда жана китеп жазып да актанба, бар элдин алдына барып актан, керек болсо менин башыма пистолет такасаң да, мен андай сөздөрдү айта албайм, себеби карапайым эл жабыр тарткан. Кыргызы болобу, өзбеги болобу, карапайым элдин балдары каза болушту. Текебаев 6 жылдын ичинде, сот процессине болгону 5 жолу келген, ал өзүнүн бийлигине, убактылуу Өкмөттүн мүчөсү болгонуна такап, сотторду коркутуп-үркүтүп, Октябрь райондук, Бишкек шаарынын соттору Жолдошованын пайдасына чечишсе да, Жогорку Сотко барганда кысым көрсөтүшүп туруп, кайрадан Октябрь райондук сотуна материалдарды жөнөткөн. Октябрь райондук сотуна кайра келгенине мына 3 жыл болду, эми гана жаңы судья А.Жээнбекова карай баштады. Апрель-июнь окуясы боюнча, ким күнөөлүү болсо, сөзсүз жазасын алыш керек»- деди  Ж.Жолдошова.
Эске сала кетсек, Ө.Текебаев экс-депутат Жылдызкан Жолдошованы Парламенттик комиссиянын апрель-июнь окуясы боюнча төрагасынын орун басары катары берген отчету боюнча сотко берген.
Булак: Кyrgyztoday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *