Kyrgyztoday
Kyrgyztoday » Новости » Бүгүн Жогорку сот Садыр Жапаровду актады
Коом

Бүгүн Жогорку сот Садыр Жапаровду актады

Бүгүн, 6-октябрда Жогорку сот экс-депутат Садыр Жапаровду актады. Бул тууралуу анын адвокаты Шарабидин Токтосунов журналисттерге билдирди.

Анын айтымы боюнча, сот жаңы ачылган жагдайлар боюнча материалдарды карап, Биринчи май райондук, шаардык жана Жогорку сотторунун чечимдерин жокко чыгарды.

Эскерте кетсек, 2013-жылы соттор Жапаровду Каракол шаарында болгон митингди уюштурган деп айыптап, 11 жыл 6 айга эркинен ажыраткан. Биринчи май райондук соттун өкүмүн Бишкек шаардык соту жана Жогорку Сот күчүндө калтырган. 2020-жылы 30-апрелде Жогорку Сотто Садыр Жапаровдун иши кайрадан каралып, соттук коллегия анын жаза мөөнөтүн бир жарым жылга кыскарткан. Ал кечээ Бишкектеги башаламандыктан кийин абактан бошотулган. Бүгүн болсо, премьер-министрдин милдетин аткаруучу болуп шайланды.

Садыр Жапаровго байланыштуу Жогорку соттун чечими.

Оставить комментарий