БУУнун Коопсуздук кеңеши Катар чырына кийлигишпейт

БУУнун Коопсуздук кеңешинде Катар менен Перси булуңундагы бир нече өлкөнүн ортосундагы талашка кийлигишүү ниети жок. Бул тууралуу Кеңеште төрагалык кылып жаткан Кытайдын БУУдагы өкүлү Лю Цзеи билдирди. Ал Катарга коңшулары менен сүйлөшүү жана кеңешүү аркылуу маселени өз алдынча чечип алууну сунуштады.

5-июнда Сауд Арабиясы, Бириккен Араб Эмирлиги, Бахрейн жана Египет Катарды терроризмди колдоого жана Иран менен кызматташууга айыптап, дипломатиялык жана соода мамилелерин токтотушкан. Кийинчерээк алар Дохага «Мусулман агайындар» кыймылы менен байланыштарын токтотуу, «Аль-Жазира» телекомпаниясынын штаб-квартирасын жабуу, Иран менен дипломатиялык байланыштарды кыскартуу жана өлкөдөгү түрк аскердик базасын жабуу шарттарын коюшкан.

Катар бул талаптарды орундатуу мүмкүн эмес деп билдирген.

Коюлган талаптарды аткаруу үчүн Катарга берилген мөөнөт 5-июлда аяктайт. Ал күнү төрт араб өлкөсүнун тышкы иштер министрлери Каирде жолугуп, абалды талкуулашат.

Булак: «Борбор Азия жаңылыктар кызматы«

Нет комментариев

Добавить комментарий

Ваш e-mail не будет опубликован. Обязательные поля помечены *