Kyrgyztoday
Kyrgyztoday » Новости » Ким Чен Намдын өлүмүнө шектелгендерге айып тагылды
Дүйнө жүзүндө Криминалдык хроника жана окуялар Саясат

Ким Чен Намдын өлүмүнө шектелгендерге айып тагылды

Малайзия бийлиги Түндүк Кореянын лидери Ким Чен Ындын агасы Ким Чен Намды өлтүрүүгө шектелген эки аялга айып такты. Кылмышка Вьетнам жана Индонезиянын жарандары шектелүүдө, алардын күнөөлөрү далилденсе өлүм жазасына тартылышы мүмкүн.

Associated Press агенттиги кабарлагандай, шектүүлөр айыптоолорду четке кагып жатышат. Алар сотко бронежилет менен күчөтүлгөн кайтаруунун коштоосунда жеткирилди.

Ким Чен Нам Малайзиянын аэропортунда 14-февралда ууландырылган. Анын бетине тез таасир этүүчү уу себилген чүпүрөк сүртүп кетишкен. Кылмышка он киши шектелүүдө, алардын төртөө кармалды. Буга чейин айыпталып жаткандардын бири, Индонезиянын жараны кол салууну «тамаша» деп ойлогонун билдирген. Айтымында, кол салуунун алдында белгисиз бирөө ага 90 доллар берип, Ким Чен Намдын бетине «балдардын самынына» окшогон суюктукту чачуусун өтүнгөн.

Ким Чен Нам Түндүк Кореянын мурдагы лидери Ким Чен Ирдин улуу баласы болгон. Акыркы жылдары ал чет өлкөлөрдө жашап, Пхеньян бийлигин сындап келген. Түштүк кореялык ММКлардын маалыматы боюнча кол салуунун артында Түндүк Кореянын атайын кызматтары турушу мүмкүн.

Булак: Борбор Азия жаңылыктар кызматы

Рекомендуемые

Японское правительство примет меры против «fake news» в социальных сетях

Японский миллиардер станет первым туристом которого отправят к Луне

Япония намерена выкупить полмиллиарда доз вакцины против COVID-19 ради Олимпийских игр

Оставить комментарий