Ооган талиптери жазгы чабуулдар башталганын жарыялады

Талиптердин 25-апрелде интернетке жарыяланган билдирүүсүндө чабуулдар негизинен «америкалык басып алуучуларды өлтүрүүгө багыттала турганы» жазылган.

Америкалыктардын тарапташтары эсептелген ооган өкмөтү менен аскерлери анда экинчи планда экени белгиленген.

Маалыматка караганда, быйылкы жазгы чабуулдар Талиптердин аскер комиссиясы тарабынан даярдалган. Анын «Аль-Хандак» же «Траншея» деген аталышы «Траншея үчүн согуш» деп аталган 627-жылы Хандакта болгон окуяга байланыштуу. Анда 3000ге жакын мусулман Медина шаарынын айланасын айланта траншея казышып, каапыр арабдар менен жөөттөрдүн бир айлык чабуулуна туруштук берип турушкан.

Талиптердин бул билдирүүсү Ооганстандагы теракттардын жаңы толкунуна туура келди. 24-апрелде өлкөнүн Фарах жана Газни аймактарындагы талиптердин кол салуусунан кеминде 11 ооган аскери жана полиция кызматкерлери өлгөн. 23-апрелде Батыш Ооганстанда талиптердин чабуулунан 18 аскер набыт болгон.

Булак: “Борбор Азия жаңылыктар кызматы”

Нет комментариев

Добавить комментарий

Ваш e-mail не будет опубликован. Обязательные поля помечены *