Kyrgyztoday
Kyrgyztoday » Новости » Президент Сооронбай Жээнбеков: Бардык күчтөрдү укуктук талаага кайтууга чакырам
Официальные новости

Президент Сооронбай Жээнбеков: Бардык күчтөрдү укуктук талаага кайтууга чакырам

КР Президенти Сооронбай Жээнбеков бүгүн, 6-октябрда, өлкөдөгү саясий кырдаалга байланыштуу кайрылуу жасады. Бул тууралуу бүгүн, 6-октябрда президенттик аппараттын басма сөз кызматы билдирди.

Төмөндө Мамлекет башчысынын кайрылуусу:

«Урматтуу мекендештерим!

Кечээ түнү айрым саясий күчтөр мамлекеттик бийликти мыйзамсыз тартып алуу аракетин жасашты.

Шайлоону шылтоо кылып коомдук тартипти одоно бузушту.

Шаар тургундарынын тынч жашоосуна  бүлүк салышты.

Тартип сакчыларына баш ийбей, медиктерди сабап, имараттарды талкалашты.

Кан төгүлбөсүн, бир да жарандын өмүрүнө коркунуч келбесин деп, күч органдарына ок чыгарбагыла деп буйрук бердим.

Азыркы учурга чейин кырдалды курчутпоо үчүн мүмкүн болгон чаралардын баарын жасадык.

Мамлекеттин тынчтыгы, коомдун стабилдүүлүгү ар кандай депутаттык мандаттан бийик.

Мен борбордук шайлоо комиссиясына мыйзам бузууларды терең изилдеп, зарыл болсо шайлоонун жыйынтыгын жокко чыгарууну сунуш кылдым.

Саясий партиялардын лидерлерине өз тарапкерлерин тынчытып, чогулган жерлерден чыгарып кетүүсүн сунуштайм.

Бардык мекендештеримден тынчтыкты сактап, чагымчыл күчтөргө алданбай мыйзамсыз кадамдарга барбоону суранам.

Өлкөбүздүн тынчтыгы, коомубуздун коопсуздугу- баарынан кымбат.

Бардык күчтөрдү өлкөнүн тагдырын саясий амбициялардан бийик коюп, укуктук талаага кайтууга чакырам».

Рекомендуемые

Япония на безвозмездной основе предоставила Кыргызстану 2000 тестов для выявления коронавируса

Эрнист Апилов освобожден от занимаемой должности ответственного секретаря Комиссии по вопросам гражданства при Президенте КР 

Эрмек Мамыркалиев назначен статс-секретарем Министерства транспорта и дорог

Оставить комментарий