УКМКнын экс-төрагасы Абдил Сегизбаев 13-августка суракка чакырылды

Абдил Сегизбаев 7-август күнү ооруканада.

УКМКнын экс-төрагасы Абдил Сегизбаев 7-августта Кой-Таштагы Алмаз Атамбаевдин үйүндө болуп өткөн баш аламандык фактылары боюнча козголгон кылмыш ишинин алкагында 13-августка суракка чакырылды. Бул тууралу ИИМдин башкы тергөө кызматы тастыктады.

Эсиңиздерге сала кетсек, 7-августта Кой-Ташка Атамбаевди суракка алып кетүүгө келген УКМКнын «Альфа» атайын даярдыктагы бөлүгүнүн жоокерлерин Атамбаевдин тарапкерлери сабап, атып каршылык көрсөтүшкөн. Натыйжада бир жоокер өлүп, бир нечеси оор жаракат алып, 6 жоокер барымтага алынган.

Ал күнү, 7-августта Атамбаевдин тарапкерлеринин арасында болгон УКМКнын экс-төрагасы Абдил Сегизбаев жаракат менен ооруканага жеткирилген. Айрым маалыматтар боюнча ал жамбашына желим ок жеген.

Булак: Kyrgyztoday.kg

Нет комментариев

Добавить комментарий

Ваш e-mail не будет опубликован. Обязательные поля помечены *