Kyrgyztoday
Kyrgyztoday » Новости » Uzbekistan airways Орусиянын шаарларынан кошумча чартердик каттамдарды аткарат
Центральная Азия

Uzbekistan airways Орусиянын шаарларынан кошумча чартердик каттамдарды аткарат

Өзбекстандын Uzbekistan Airways улуттук авиакомпаниясы 9-10-октябрь күндөрү Орусиянын Казан жана Самара шаарларынан Ташкентке кошумча чартердик каттамдарды аткарат.

Маалыматка караганда, жума күнү саат 9:00дө Казандан учкан учак Ташкентке 14:30да келет. Экинчи учак Самарадан ишемби күнү саат 11:20да чыгып, Ташкентке 15:25те жетет.

«Аталган шаарлардан Ташкентке учуп келүүнү каалаган Өзбекстандын, Орусиянын жана Кыргызстандын жарандарынан акыркы 72 сааттын ичинде тапшырылган, коронавирус жок экенин ырастаган ПЧР-тесттин жыйынтыктары талап кылынат. Мындай кагазы жол жүргүнчүлөр каттамдарга киргизилбейт», — деп жазылган авиакомпаниянын билдирүүсүндө.

Буга чейин 1-октябрдан тартып Өзбекстанга авиа, темир жол жана кара жол аркылуу «санитардык-гигиеналык, карантиндик чараларды катуу сактоо менен» кирүүгө уруксат берилгени кабарланган.

Өзбекстан коронавирустун жайылуусун алдын алуу максатында 16-марттан тартып бардык эл аралык аба каттамдарын токтоткон.

Булак: “Борбор Азия жаңылыктар кызматы”

Рекомендуемые

Центральная Азия встречает удар коронавируса

В Казахстане появилось первое кафе с глухонемым персоналом

Глава Ферганской области отказал в выдаче льготного кредита фермеру из-за его бороды

Оставить комментарий