Кыргыз Республикасынын Маданият, маалымат, спорт жана жаштар саясаты министрлиги “27-март Бүткүл дүйнөлүк театр күнү” белгилейт.
Министрликтин басма сөз кызматы билдиргендей, кол коюлган буйрукка ылайык, бул майрамдык салтанат Бишкек жана Ош шаарларында өтөт.
Бишкек шаарындагы салтанат 2021- жылдын 27-мартында саат 11:00дө А. Малдыбаев атындагы Кыргыз Улуттук академиялык опера жана балет театрында башталат. Иш-чарага бардык аймактардан театр жана оюн-зоок мекемелеринин чыгармачылык жамааттары чакырылды.
Ал эми, Ош шаарындагы салтанат 2021-жылдын 29-мартында саат 14:00дө С. Ибраимов атындагы Ош Улуттук кыргыз драма театрында белгиленет.
Маалымат катары билдирсек, буга чейин “Эл аралык театр күнүнө” арналган иш чаралар Бишкекте гана өтүп келсе, эми мындан ары аймактарда кезек кезеги менен өткөрүлөт.
Ал эми, театр күнүнө арналган иш-чаранын алкагында Бишкек жана Ош шаарларында “Эргүү” улуттук театр сыйлыгын ыйгаруу салтанаты өтөт. Аталган сыйлыкты 2014-жылдан бери Кыргыз Республикасынын Маданият, маалымат, спорт жана жаштар саясаты министрлиги, Кыргызстан театр ишмерлер союзу жана “Айтыш” коомдук фонду биргеликте тапшырып келет. Быйыл бул сыйлык сегизинчи ирет тапшырылат.
Иш — чара санитардык-эпидемиологиялык талаптарды эске алуу менен өтөт.
КОММЕНТАРИЙ КАЛТЫРУУ