Акүй АКШ президенти Дональд Трамп Орусия ТИМ башчысы Сергей Лавров жана элчи Сергей Кисляков менен жолугушуу учурунда жашыруун маалыматтарды ачыкка чыгарган деген маалыматты четке какты.
The Washington Post жана The New York Times гезиттери Вашингтондогу көз карандысыз булактарына таянуу менен Дональд Трамп орусиялык дипломаттар менен жолугушуу учурунда “Ислам мамлекети” экстремисттик уюмуна тиешелүү маалыматтарга ээ экенин айткан.
Америкалык гезиттердин ырасташынча, АКШ президенти “Ислам мамлекети” террордук тобу тууралуу жашыруун маалыматтары бөлүшүү менен маалымат берген булакты олуттуу коркунучка кептеген.
Бул маалымат эки гезиттин сайтына жарыялангандан кийин Трамптын улуттук коопсуздук боюнча жардамчысы, генерал Макмастер маалыматты жокко чыгарган билдирүү жасады. Ал жолугушуу учурунда Дональд Трамп маалыматты топтоо ыкмаларын орусиялык дипломаттар менен талкуулабаганын билдирди.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ