Генпрокуратура

Кечээ, 22-сентябрда Аскер прокуратурасынын кызматкерлери Генералдык прокуратуранын бөлүм башчысы Рустам Абдурасуловду кармашты.

Биздин маалымат булактары билдиргенге караганда Рустам Абдурасулов президенттин көзөмөлүндө турган “Керемет Банкы” боюнча кылмыш ишинин далили катары шектүүлөрдөн алынган 740 миң долларды прокуратуранын далил буюмдар сакталчу кызматтык сейфинен уурдап чыгып, кумар оюндарына (букмекердик конторага) уттуруп койгон.

Эреже боюнча Рустам Абдурасулов ал акчаны банкта сактоо керек эле, тилекке каршы прокуратура кызматкери мындай чоң сумманы өзүнүн кызматтык сейфинде сактаган.

Рустам Абдурасулов буга чейин КР Генпрокуратурасынын Башкы тергөө башкармалыгын жетектеп келген.

Азыр Абдурасулов камакка алынып, тергөө иштери жашыруун деп жарыяланды.

Кыргыз Республикасынын УКМК опузалап акча каражатын талап кылуу жана пара алуу фактысы боюнча Башкы прокуратуранын өзгөчө маанилүү иштер боюнча улук тергөөчүсү, юстициянын майору З.У.К. жана анын шериги «М.У.А. кармалды.

Такталгандай, кармалган прокуратура кызматкери тергелип жаткан кылмыш иши боюнча маселени оң тарапка чечип берүү үчүн чет элдик компаниянын өкүлдөрүнөн бир нече жолу опузалап талап кылып, пара алганы аныкталды. Ошол эле учурда кылмыш ишин башка органга өткөрүп бергенине карабай, прокуратуранын тергөөчүсү инвесторлорду кылмыш жоопкерчилигине тартуу менен коркутуп, 8 миң АКШ доллары өлчөмүндө акча каражатын алган.

Бул фактылар боюнча КР Кылмыш-жаза кодексинин 343-беренесинин 2-бөлүм (Опузалап пара талап кылуу) боюнча кылмыштын негизинде облустун башкы башкармалыгы кылмыш ишин козгогон.

4000 АКШ доллары өлчөмүндөгү сумманын бир бөлүгү Ош шаарында М.У.А. аттуу ортомчусу аркылуу прокуратуранын тергөөчүсү тарабынан алынган. 

Учурда прокуратуранын тергөөчүсү жана анын шериги Жалал-Абад шаардык сотунун санкциясы менен КР УКМКнын Жалал-Абад областынын башкы башкармалыгынын тергөө камак жайына 2 айга камакка алынды.

Тергөө иштери уланууда.

Маалымат, Жалал-Абад облусунун УКМК кызматкерлери Кыргыз Республикасынын Президентинин мыйзамдарынын жана Жарлыктарынын талаптарын одоно бузушуп, ишкердик субъекттерин коргоого багытталган, прокуратура органдарында текшерүү жүргүзүү актысына каттабастан текшерүү жүргүзүшкөн делген Кыргыз Республикасынын Башкы прокуратурасы тарабынан жайылтылган маалымат чындыкка дал келбейт.

Жамааттык коопсуздук келишими уюмуна (ЖККУ) мүчө мамлекеттердин ортосундагы эл аралык келишимге ылайык жана мыйзамсыз миграцияга каршы туруу боюнча «Нелегал-2021» аймактык иш-аракеттер планы УКМКнын жана Жалал-Абад облусу боюнча Ички иштер башкармалыгынын кызматкерлери, ишкердик субъектинин ишине эмес, мыйзамсыз мигранттарды пайдалангандыгы үчүн “М.К.” ЖЧКна текшерүү жүргүзгөн.

Текшерүүнүн жүрүшүндө, “М.К.” ЖЧК тиешелүү документтери жок коңшу мамлекеттерден келген мыйзамсыз мигранттарды ишкердике пайдаланганы аныкталды. УКМК жана ИИБ кызматкерлери өз милдеттерин аткарып жатканда, М.К. ЖЧКнын жетекчилиги тоскоолдук жаратып, атайын чатакты козгоп, мыйзам бузууну жашыруу максатында мигранттардын качып кетишине түрткү болгон. Бул тууралуу облустук прокуратуранын кызматкерлерине маалымат берилген.

В ходе проверки установлено, что ОсОО “М.К.” пользуется услугами нелегальных мигрантов соседних стран без соответствующих документов. Также, в ходе выполнения своих обязанностей сотрудниками УГКНБ и УВД, руководство ОсОО “М.К оказав препятствие и спровоцировав специальный скандал, инспирировали побег мигрантов, дабы скрыть нарушение. О чем были сразу проинформированы сотрудники областной прокуратуры.

Маалымат үчүн; Аталган Өкмөттөр аралык макулдашууну ишке ашыруу зарылдыгы жөнүндө, Кыргыз Республикасынын Өкмөтү Кыргыз Республикасынын УКМК, Кыргыз Республикасынын ИИМ, анын ичинде Кыргыз Республикасынын Башкы прокуратурасына кабарлаган.