Бишкектеги “Француз Альянсы” Франциянын, Швейцариянын, Бельгиянын элчиликтери жана Кыргызстандагы Европа Биримдигинин Өкүлчүлүгү менен биргеликте Франкофония жумалыгын өткөрөт. Ушул жылдын 23-мартынан 2-апрелине чейин өтчү фестивалга оффлайн жана онлайн форматтарындагы билим берүү, маданий жана оюн-зоок иш-чаралары кирди.
Франкофония жумалыгы – бул француз тилинин жана француз тилдүү өлкөлөрдүн маданиятынын фестивалы, ал дүйнө жүзү боюнча жыл сайын март айынын ортосунда белгиленип келет. Фестивалдын уюштуруучулары жана өнөктөштөрү жалпы коомчулук үчүн 16 иш-чарадан жана 3 онлайн вебинардан турган программаны даярдашкан. Быйылкы фестивалда планетаны жана айлана-чөйрөнү коргоо темасы көңүл чордонунда болот.
Француз тили дүйнөдө эң көп колдонулган тилдердин катарында бешинчи орунда жана ишке байланыштуу колдонулган тилдердин тизмесинде үчүн орунда турат. Француз тилинде беш континентте 300 миллиондон ашык адам сүйлөйт, ошондой эле ал дипломатиянын тили да болуп саналат. 88 өлкө Эл аралык Франкофония уюмуна мүчө, алардын 29унда француз тили расмий тил болуп кабыл алынган.
Франкофония жумалыгы Бишкекте 23-мартта саат 18:00дө “Ала-Тоо” кинотеатрында “Биздин мурас” аттуу француз тасмасын көрсөтүү менен башталып, андан соң атактуу француз режиссеру жана тасманын экологу Ян-Артус Бертран менен жолугушуу болот (Кирүү акысыз).