АКШ прокурорлору акыркы беш жылдан бери түрмөдө жаткан өзбекстандык Жамшид Мухтаровду бошотпоону сурашууда. Ал “Ислам мамлекети” экстремисттик тобуна материалдык жардам көрсөтүүгө күнөөлөнүүдө. Өзбекстанда Жамшид «Эзгулик» («Ырайымдуулук») укук коргоо уюмунун Жизак облустук бөлүмүнүн жетекчиси болгон.
Денвер прокуратурасы апелляциялык сотко Жамшид Мухторовду боштондукка чыгарууну токтотууну сурады. Буга чейин сот аны келерки жылга белгиленген сотко чейин бошотуу чечимин чыгарган.
40 жаштагы Мухторов иштин узак каралышы анын укугун бузарын билдирген, бирок прокурорлор айыпталуучу качып кетиши ыктымал деп кооптонушууда.
Мухторов Пакистанда жайгашкан “Ислам жихады биримдиги” үчүн смартфондорду жана электрондук жабдууларды уурдоого аракет кылды деп айыпталууда. Бул топ Өзбекстандагы светтик башкарууга каршы чыгып, ислам укугунун негизиндеги бийлик орнотуу ниетин жарыялап келет.
Мухтаров 2012-жылы 21-январда Чикагодогу аэропортто кармалган. Америкалык тергөөчүлөр Жамшид Мухтаров Түркия аркылуу Пакистандын Вазиристан шаарына “каапырлар” менен урушуу үчүн баратканын белгилешкен.
Мухторов АКШ жараны эмес, бирок саясий качкын макамына ээ. Кармалганга чейин ал Денверде жашаган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ