Сирия бийлиги өкмөттүк абактарда камалган 85тей кишини эки орусиялык аскер учкучтун сөөгүнө алмаша турганын билдирди. Алар 1-августта Идлиб провинциясындагы МИ-8 тик учагы кулаганда набыт кетишкен. Бул тууралуу Адам укуктарын коргоо боюнча сириялык мониторинг борбору билдирүүдө.
Буга чейин өзүн Туткундар боюнча башкы фонд деп атаган сириялык топ орусиялык учкучтардын сөөгүн Башар Асад режими жана Дамасктын Ливандагы өнөктөшү “Хезболлах” тобу тарабынан кармалып турган тарапташтарына алмаштырууну сунуштаган.
Орусиялык аскер тик учагы Идлиб провинциясында атып түшүрүлгөндөн кийин борттогу 5 адамдын баары тең өлгөн. Орусия Сириядагы аскердик операциясын 2015-жылы сентябрда жайылткандан бери бул алардын эң чоң жоготуусу болгон.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ