Саясатта түбөлүк достук болбой турганын, жөн гана кызыкчылык бардыгын турмуш эчен ирет далилдеди. Алыс барбай эле учурдагы кыргыз саясатындагы абалды эске алсак жетиштүү болот. Мына кечээ эле саясатта үзөңгүлөш жүргөн Атамбаев менен Текебаев эки жээкке бөлүнгөнү, Ахматбек Келдибеков баш болгон бир топ түштүктүн тың чыкмалары бийликке ыктап, колдоо көрсөтүү амалында үн ката башташты. Алсак, Келдибеков баш мыйзамды өзгөртүү боюнча референдумду колдой турганын айтып чыкты. Албетте, бийликтин тизгинин чойгон Атамбаевдин Текебаев менен мамилеси сууп турганда, Келдибековдун президентти колдоп үн катканы баш мыйзамда чындап алешемдиктер бардыгынан кабар берет. Экинчиден, Ахмат мырзанын спикерликтен алып түшкөн Текебаевди колдошу мүмкүн эмес. Анткени дал ушул Келдибеков төрага болуп турганда талап-тоноочулук боюнча бир топ күйүп-бышкан жайы бар. Президент бул маселеге көңүл буруп жатканда билгенин ортого салып колдоо көрсөтүүгө даяр болуп турганы ошондон. Мындайды келме кезек дейт эмеспи…
Булак: Фабула
КОММЕНТАРИЙ КАЛТЫРУУ