Конкреттүү дарекке айтылбаган сын ээсин таппайт экен. Анткени президенттин Жогорку Кеңеш тууралуу акыркы айткандары, эл өкүлдөрүнө анчейин таасир бере алган эмес. Мына парламенттеги өнүгүүчү депутаттардын бири Исхак Масалиев, өлкө башчынын айткандарына “быш” этип койбоптур. Ал, “Президент эмоцияга алдырып койду. Жогорку Кеңешти таркатып жибергенге эч негиз жок. Төрөбаев деле парламентти таркатуу боюнча шартту түрдө эле айткан болучу” деген пикирин билдирген. Демек, Эргеш аксакалдын уулу тууралуу Шаршен атанын уулу айткандарын туура тапкан Абсамат Масалиевичтин уулу атын Апендиче тескери минип алган эмеспи?
Болбосо, бир жолу Апенди достору менен катуу ичип үйүнө эшегин тескери минген боюнча келет. Аны араңдан зорго жөөлөп-таяп, түшүрүн алган аялы, “уят эмеспи, эшегиңди тескери минип калгыча ичип…” десе, жарыктыгыбыз камаарабай, “анан эмне кылайын эшек өзү тескери туруп алса”- деп актанып кеткен дейт.
Анын сыңары, Абсамат аксакал өз партиялаш лидерине аркасын сала баштаган өңдөнбөйбү. Себеби Бакыт мырза камактагы атамекенчи акесине жан тартам деп жатып кесиптештерин аңга түртүп, анысы ажо Атамбаевге майдай жакпады беле. Ушул тапта бул маселе популярдуу болуп, күндүн темасына айланууда. Демек, ким билет кимдин арманын демекчи, ЖоКеде жагдай тынч эмес.
Булак: “Ачык саясат”
КОММЕНТАРИЙ КАЛТЫРУУ