Түркмөнстандын президенти Гурбангулы Бердымухамедовдун жалгыз уулу Сердар Бердымухамедов парламенттеги укуктук маселелер комитетинин жетекчиси болду. Бул тууралуу мамлекеттик маалымат каражаттары жазып чыгышты.
Мамлекет башчынын уулу буга чейин Тышкы иштер министрлигинде Маалымат департаментин башкарган. Анын комитет башчылыгына дайындалгандыгы жөнүндө өлкө парламентинин 20-марттагы жыйынында айтылды.
Сердар Бердымухамедов үч ай мурда Ахал облусундагы 24-шайлоо окуругунан парламент депутаты болуп шайланып келген.
Түркмөнстан президентинин уулу Сердардын саясий карьерасы тууралуу алгачкы билдирүүлөр өткөн жылдын жайында пайда боло баштаган. Анда көз карандысыз маалымат булактары ал атасынын атайын токтому менен өлкөнүн Тышкы иштер министрлигине кызматка дайындалганын билдиришкен. Андан сырткары ага чейин Сердар бир канча министрликте жана агенттиктерде иштегендиги кабарланган. Ал 2014-жылы кандидаттык диссертациясын коргоп, 2015-жылы техника илимдеринин доктору илимий даражасына ээ болгондугу тууралуу дагы маалыматтар бар.
Гурбангулы Бердымухаммедов өлкөнү атасы Сапармурат Ниязов каза болгон 2006-жылдан берип башкарып келет. Учурдагы мамлекет башчынын уулунан тышкары дагы үч кызы бар.
Булак: Борбор Азия жаңылыктар кызматы
КОММЕНТАРИЙ КАЛТЫРУУ