Бүгүн, 7-августта журналист Марат Тагаев өзүнүн фейсбуктагы баракчасында УКМКнын экс-жетекчиси Абдил Сегизбаевдин валюта алмаштыруучу жайда акча алмаштырып, кайсалап жүргөн жаңы сүрөтүн “Бул качан камалат?” деген ат менен жарыялады.
Июнь айында да кыргыз журналисттери Абдил Сегизбаевди валюта алмаштыруучу жайдан сүрөткө тартып алышып, жарыялашкан. Ошондо Абдил Сегизбаев УКМКнын төрагасы болуп турганда айлыкты доллар менен алып жүргөнбү? Биз билгенден Кыргызстандын мамлекеттик кызматкерлери айлыкты кыргыздын сому менен алышат. Ал айлыктары күнүмдүк тириликке эле жетет. Анан аргасыздан Абдил Сегизбаев УКМКнын төрагасы болуп турганда Бажынын корбашысы ага жана анын орун басарына ай сайын жашыл кагаз менен “доля” берип тургандыгы боюнча бизге чыккан маалымат эске түшөт. Албетте ал жашылдардын салмагы көп болчу , ошондуктан Абдил Сегизбаев көп жылдар бою акча алмаштыруучу жайларга каттап турганга жетишет. Баса, Бажылардын корбашысы азыр Сегизбаевди жанан анын орун басарын абактан аман алып калып, ортого түшүп чуркап жүргөндүгү боюнча маалыматтар бар.
Булак: Kyrgyztoday.kg
КОММЕНТАРИЙ КАЛТЫРУУ