Өзбекстан парламентинин жогорку палатасы 11-майдагы төртүнчү жыйынында өлкөнүн Евразия экономикалык биримдигине (ЕАЭБ) «байкоочу өлкө» катары катышуусу тууралуу өкмөттүн сунушун жактырды. Бул тууралуу сенаттын басма сөз кызматы билдирди.
28-апрелде бул сунушту Өзбекстандын Олий Мажлисинин мыйзам чыгаруу палатасынын депутаттары колдогон. Эми президент Шавкат Мирзиёев өзүнүн жарлыгы менен Өзбекстан ЕАЭБге байкоочу өлкө катары кирер-кирбеши боюнча чечим чыгарышы керек.
Өлкө башчы 24-апрелде парламентте жасаган билдирүүсүндө өкмөт Евразия Экономикалык Биримдиги менен кызматташууну карап жатканын, Өзбекстан чыгарган өндүрүмдүн 80% Бажы Биримдигине кирген өлкөлөргө экспорттолорун айткан.
ЕАЭБ алгач Беларустун, Казакстандын жана Орусиянын Бажы Биримдиги катары түзүлгөн. Кийин бул уюмга Армения менен Кыргызстан кошулган. Молдова байкоочу өлкө статусуна ээ.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ