“118” өзүн-өзү диагностикалоо боюнча байланыш борбордун иштөө тартиби өзгөрүлдү. Бул тууралуу Бишкек мэриясынын басма сөз кызматы билдирет.
Маалыматка ылайык, чалуулардын саны кыйла азайгандыгына байланыштуу, операторлор БҮМБга өткөрүлүп берилди. Эми жарандар адистердин кеңешин түнкү саат он экиге чейин эмес, эртең мененки саат сегизден кечки сегизге чейин ала алышат.
Белгилей кетсек, бүгүнкү күнгө чейин 124 миң 945 кайрылуу кабыл алынды, анын ичинен КОВИД-19 боюнча 14 миң 732 анкета толтурулду.
Эсиңиздерге салсак, 6-апрелден баштап Бишкек шаарынын мэриясы КРнын Саламаттыкты сактоо министрлиги, шаардык саламаттыкты сактоо башкармалыгы, «Сорос-Кыргызстан» фонду, «Медициналык билим берүүнү реформалоо» швец долбоору жана «Кыргызтелеком» компаниясы менен биргеликте жарандарга алгачкы медициналык кеңеш берүү үчүн «118-өзүн өзү диагноздоо линиясы» долбоорун ишке киргизген.
КОММЕНТАРИЙ КАЛТЫРУУ