Menu

Министр Кайрат Иманалиев Кореянын Кыргызстандагы элчиси менен жолукту

Бөлүшүү:
Кыргыз Республикасынын Маданият, маалымат, спорт жана жаштар саясаты министри Кайрат Иманалиев Корея Республикасынын Кыргызстандагы Атайын жана Ыйгарым укуктуу Элчиси Ха Те Ёкту кабыл алды. Бул тууралуу бүгүн. 2-апрелде Маданият, маалымат, спорт жана жаштар саясаты министрлигинин басма сөз кызматы билдирди.
Министр Кайрат Иманалиев элчиге иш сапары үчүн ыраазычылыгын билдирип, Корея Республикасы Кыргызстан үчүн маданият жана искусство жаатында артыкчылыктуу өнөктөштөрдүн бири экендигин белгиледи.
Өз кезегинде элчи министрди жаңы кызматка дайындалышы менен куттуктап, жылуу кабыл алгандыгы үчүн ыраазычылык билдирди.
Кайрат Иманалиев кыргыз элинин көпчүлүгү корей маданиятын киноиндустрия аркылуу, айрыкча кинотасмалар, сериалдар жана анимациялык тасмалар аркылуу таанып жаткандыгын, мындан тышкары, демилгелүү жаштар Кореяда чыгарылган сериалдарды сапаттуу которуп, дубляж жасоонун үстүндө иштеп жатышканын айтты.
Ошондой эле, элчи министрге элчилик кыргыз каналдарына кинопродуктыларды акысыз көрсөтүү үчүн берип жаткандыгын маалымдап, зарылчылык болгон учурда элчилик кыргыз тилине которуу жана корей тасмасын дубляждоо үчүн кызыкдар уюмдар менен байланышуу мүмкүнчүлүгүн караштыра тургандыгын белгиледи.
Жолугушуунун жыйынтыгында Тараптар эки мамлекеттин ортосундагы маданий мамилелерди өнүктүрүү максатында кызматташууга даяр экендиктерин билдиришти.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

Комментариялар

Калыс
3 years артка

Каныбек эмес. Кайрат Иманалиев.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha − 7 = 1

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: