Menu

КР ӨКМ: Чек ара чатагынан келтирилген чыгым такталууда

Бөлүшүү:

Учурда кыргыз-тажик чек арасындагы куралдуу жаңжал учурунда келтирилген чыгым такталууда. Бул тууралуу Өзгөчө кырдаалдар министринин орун басары Урматбек Шамырканов 2-майда кыргыз-тажик чек арасындагы кырдаал боюнча Медиа-штабда өткөн маалымат жыйынында билдирди.

Анын айтымында, жергиликтүү тургундарга келтирилген зыянды эсептей турган атайын комиссия түзүлдү.

«Баткен облусунун чек арага жакын жайгашкан аймактарынын жашоочуларына кандай жардам керек», – деген журналисттердин суроосуна жооп берип жатып, министрдин орун басары тез бузулбоочу азык-түлүктөр: күрүч, кумшекер, чай, ун, май, макарон жана балдар үчүн таттуулар керек экенин айтты.

Урматбек Шамырканов Өзгөчө кырдаалдар министрлигинин техникалары жана башка ресурстары жетиштүү экендигин айтып: «Баткен облусунда жүргөн Өзгөчө кырдаалдар министри Бообек Ажикеев жеринде бардык ишти көзөмөлдөөдө. Министрликтин кызматкерлери күнү-түнү, 24 саат бою иштеп жатышат», – деди.

Эвакуацияланган жарандарды керектүү бардык каражаттар менен камсыз кылуу иштери жүрүп жатканын кошумчалаган министрдин орун басары. «Азыр биз жарандарыбызга мурдагыдай ыңгайлуу жашоо шарттарын камсыздоого багытталган иштерди жүргүзүүдөбүз. Ага чейин алар эвакуациялык пункттарда болушат», – деди.

Ошондой эле министрдин орун басары Өзгөчө кырдаалдар министрлиги атайын эсеп ачкандыгын, чек ара чатагынан жабыркаган айылдардын инфраструктурасын калыбына келтирүүгө жардам берүүнү каалагандар ошол жакка акча которсо болоорун эскертти. Бүгүнкү күндө жарандар жана уюмдар бул эсепке 1 млн сом которушту.

Урматбек Шамырканов калыбына келтирүү иштерин жүргүзүүгө Кыргызстандын күчү жетээрин баса белгиледи.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

49 + = 57

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: