Menu

Жогорку Кеңеште “Кумтөрдү” сырттан башкарууга мүмкүндүк берген мыйзам долбоору 3 окууда кабыл алынды

Бөлүшүү:

Кечээ, 6-майда ЖКда “Корпоративдик башкаруу чөйрөсүндөгү айрым мыйзам актыларына (“Акционердик коомдор жөнүндө” Мыйзамга, Жазык кодекске) өзгөртүүлөрдү киргизүү тууралуу” Мыйзамдын долбоору үч окууда кабыл алынды.

Демилгечилер – депутаттар Жапаров А.Ү., Турусбеков Б.С.

Жыйында Акылбек Жапаров 1992-жылы кабыл алынып, 2004-жылы өзгөртүлгөн концессиялык компаниялар жөнүндө мыйзам иштебей жаткандыгын айтып, өзгөртүүлөрдү киргизүүнү сунуштады.

Мыйзам долбооруна ылайык, концессионер ишкана өз ишмердүүлүгүндө элдин саламаттыгына жана экологияга кооптуулук жаратса, аны сырттан башкаруу боюнча өкмөт чечим кабыл алуусуна шарт түзөт.

Жапаровдун айтымында, өзгөртүү концессиялык келишимдин негизинде иштеген компанияларга гана тиешелүү.

Депутат Дастан Бекешев баяндамачыдан “Кеп “Кумтөр” ишканасы тууралуу болуп жатабы?” деп сурады.

Акылбек Жапаров “Атын атайын атабай жаткам, бирок концессионер катары бир гана “Кумтөр” иштейт” деп жооп берди.

Бекешев “Эл аралык аренада муну рейдерлик деп аташпайбы?” деп сурады.

Жапаров компаниянын экологияга келтирген зыян боюнча 3,2 миллион долларлык доо арыз каралып жатканын билдирди. 19 адам каза болгондугун, бирок, коркунуч азыркыга чейин жоюлган жоктугун белгиледи.

“Компания кылмыш ишин ар дайым акча менен жаап келген. Айрымдары эми жанданды”, – деп кошумчалады ал.

Д.Бекешев тышкы башкаруучуну ким, кандай критерий менен тандай турганын сурады.

«Тышкы башкаруучуну Министрлер кабинети тандайт жана тандоо жол-жобосун бекитет”, – деди А.Жапаров.

Жыйынга катышкан 100 депутаттын 98и мыйзам долбооруна макулдугун берди, ал эми экөөсү “каршы” добуш берди.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

− 4 = 3

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: