баңгизат

Ички иштер министрлигинин Ички иликтөө кызматы тарабынан Бишкек шаарынын Ахунбаев-Шота Руставели көчөлөрүнүн кесилишинде Бишкек шаарынын Свердлов райондук күзөт кызматынын милиционери Э.А. кармалып, анын кызматтык формасынын бушлатынын сол чөнтөгүнөн целофанга оролгон өзгөчө жыты менен кочкул-күрөң түстөгү 8,26 грамм болгон белгисиз зат табылып алынган.
Аталган факт боюнча Кылмыш-жаза кодексинин 282-беренесинин негизинде (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) кылмыш иши козголгон.
Ошол эле күнү  милициянын кенже сержанты Э.А. Саламаттык сактоо министрлигине караштуу Наркология борборуна алып барышып, медициналык күбөлөндүрүүдөн өткөргөн учурда баңгизатын колдонгону аныкталган. Андан тышкары, милициянын кенже сержанты Э.А. жогоруда көрсөтүлгөн далил зат катары алынган кочкул-күрөң түстөгү баңгизатты сатып алган дарегин айткан. Көрсөткөн дарек боюнча Бишкек шаарынын “Жал”  кичирайонундагы батирлердин бирине тинтүү иштери жүргүзүлүп, натыйжасында өзгөчө жыты менен кочкул-күрөң түстөгү 57 граммдан ашык  зат табылып алынган.
Жогоруда көрсөтүлгөн даректе баңгизатты колдонуп отурган Бишкек шаарынын   4 жараны:  29 жаштагы Ч.М менен жаштагы  Ш.уулу Ч., 33 жаштагы А.Б., 31 жаштагы Б.И. Бишкек ШИИББдин тергөө кызматына бардык далил заттар менен бирге жеткирилген.
Мындан сырткары, жогорудагы жарандарды Кыргыз Республикасынын Саламаттык сактоо министрлигине караштуу Наркология борборуна алып барышып, медициналык күбөлөндүрүүдөн өткөргөн учурда баңгизаттарын колдонушаары тастыкталды.
Аталган кылмыш ишинин алкагында кармалган Бишкек шаарынын Свердлов райондук күзөт кызматынын милиционери Э.А. тергөө аяктаганча тергөө абагына камакка алынды.  Ошондой эле үйүнөн баңгизат табылган “Жал” кичирайонунун тургуну 29 жаштагы Ч.М. камакка алынды.
ИИМдин Ички иликтөө кызматы ички иштер органдарынын катарынан кызматтык кызыкчылыктарды саткандардан, мыйзамды бузгандардан, бангизаттарын пайдалангандардан тазалоого багытталган иштерди улантат жана улантып келүүдө.

Кыргыз Республикасынын УКМК, баңги заттарды мыйзамсыз жүгүртүүгө каршы күрөшүү боюнча жүргүзүлүп жаткан иштердин алкагында, Бишкек шаарында жана Чүй облусунда синтетикалык баңги затын сатуу каналы аныкталып, баңги синдикатынын активдүү мүчөсү кармалды. 

Такталгандай, жеке адамдар тарабынан синтетикалык баңгизаттарды «Telegram» социалдык тармагындагы интернет-дүкөндөр аркылуу таратуу, анын ичинде мектеп окуучуларына, өспүрүм мектеп окуучулары үчүн жеткиликтүү болгондугу аныкталган.

Өткөрүлгөн атайын иш-чаралар баңги заттарды таратуунун ыкмаларын жана жолдорун документтешти

Баңги заттарды таратуунун ыкмаларын документтештирүү боюнча атайын иш-чаралардын жүрүшүндө, күн сайын синтетикалык баңгизаттарды сатуу менен алектенип, көптөгөн жаштарды баңгичиликке тартуу боюнча жигердүү иштерди алып барып жүргөн, ошондой эле дары-дармек синдикатынын активдүү мүчөсү КР жараны Я.И. аныкталган.

Белгилей кетсек, синтетикалык баңгизаттар Кыргыз Республикасынын “Алтын жаштары” деп аталгандардын арасында кеңири таралып популярдуулукка ээ жана калктын ден соолугуна глобалдык коркунуч туудурууда.

2022-жылдын 20-октябрында Бишкек шаарынын аймагында синтетикалык баңги затынын кезектеги партиясын сатып жаткан жеринен жаран Я.И кармалып, андан ар кандай түрдөгү синтетикалык баңги заттары алынган.

2022-жылдын 22-октябрында Бишкек шаарынын Биринчи Май райондук сотунун чечими менен Я.И. 2 айлык мөөнөткө КР УКМК тергөө камак жайына камакка алуу түрүндө баш коргоо чарасы тандалган.

Учурда козголгон кылмыш ишинин алкагында баңгизаттарды сатуу каналына тиешеси бар башка адамдарды аныктоо боюнча кошумча чаралар көрүлүүдө.

Тергөө жүрүп жатат.

КР УКМК Кыргыз Республикасынын Кылмыш-жаза кодексинин 282-беренеси (Баңги каражаттарын, психотроптук заттарды жана алардын аналогдорун сатуу максатында мыйзамсыз даярдоо) менен сотко чейинки өндүрүштүн алкагындагы комплекстүү тергөө-ыкчам иш-чараларын жүрүшүнүдө, жалпы салмагы 2 килограммдан ашык баңги затын сатууга аракет кылып жаткан учурда 1961-жылы туулган Ж.С.А. аттуу Ош облусунун тургуну кармалды.

Кармалган Ж.С.А. КР УКМКнын тергөө камак жайынын убактылуу кармоочу жайына киргизилди.

Учурда бул кылмышка тиешеси бар адамдарды аныктоо боюнча ыкчам-тергөө амалдары жүргүзүлүүдө.

Жума күнү, 24-июнда саат 18:00дө Бишкек шаарындагы “Ынтымак 2” сейил багынын амфитеатрында АКШнын Ооруларды көзөмөлдөө жана алдын алуу борборлорунун (CDC) колдоосун алган Республикалык психиатрия жана наркология борбору (РПНБ) Бүткүл дүйнөлүк баңгизат менен күрөшүү күнүнүн алкагында маалыматтык өнөктүктү өткөрөт. 

Иш-чара баңги заттарды колдонуу менен байланышкан көйгөйлөргө көңүл буруу, психоактивдүү заттардын терс таасири жана жаштар арасында аларды колдонуунун алдын алуу мүмкүнчүлүктөрү жөнүндө коомчулукка маалымат берүү, зыянды азайтуу долбоорлору жана апийим заттарын алмаштыруучу терапия жөнүндө маалымат берүү максатын көздөйт.

Акциянын жүрүшүндө түрдүү интерактивдүү иш-чаралар өткөрүлүп, анын ичинде Азамат Исмаилов, Азирет Осмонов жана Аскар Алмазов сыяктуу популярдуу блоггерлердин катышуусунда адистер талкуусу, Нурсултан Айдаровдун стендап аткаруусу, ошондой эле коомчулукту тартуу жана коомчулукка баңги заттардын зыяны жана пациенттерге ыңгайлуу жардамдын түрлөрүнө кантип жетүүгө боло тургандыгы жөнүндө маалымат берүү үчүн VIBE Dance бий тобунун флешмобу өткөрүлмөкчү. Келүүчүлөрдү сынактар ​​жана өнөктөштөрдүн белектерин камтыган кызыктуу программа күтөт.

«Бул коомдук иш-чаралар баңги заттарды колдонуунун терс кесепеттери жөнүндө маалымдуулукту жогорулатат жана бул көйгөй менен байланышкан стигманы азайтат, андыктан баңги колдонуучулардын баңгичиликтен дарылануу жана Кыргызстандын өкмөтү тарабынан колдоого алынган медициналык кызматтарга жетүүсүн жеңилдетет деп ишенебиз», – деди доктор Патрик Надол, АКШнын Ооруларды көзөмөлдөө жана алдын алуу борборлорунун Кыргыз Республикасындагы директору.

Бул иш-чара Республикалык психиатрия жана наркология борборунун бир айга созулган «Өмүрлөрдү сактап калгыла. Баңгизаттар тууралуу фактылар менен бөлүшүңүз» аттуу өнөктөштүгүнүн бөлүгү. Өнөктөштүк 2021-жылкы Бүткүл дүйнөлүк баңги заттары боюнча баяндаманын маалыматтарын негизинде туура эмес маалымат менен күрөшүү жана баңги заттар жөнүндө фактыларды бөлүшүүнү илгерилетүү үчүн колдонот, ден-соолукка келтирген коркунучтары жана чечимдеринен баштап калк арасында, өзгөчө жаштар арасында баңги заттарды колдонуунун глобалдык көйгөйүн чечүүгө чейин маселелерди камтыйт. Маалыматтык кампаниянын алкагында Бишкектин 20 борбордук аялдамаларына үгүт плакаттары илинет. Республикалык психиатрия жана наркология борбору ошондой эле июнь айы бою

ИИМдин Баңгизаттарды мыйзамсыз жүгүртүүгө каршы күрөшүү кызматынын кызматкерлери  узак убакыттан бери жүргүзүп келишкен ыкчам иш-чараларынын жүрүшүндө Тажикстандан Кыргызстанга, андан соң Казакстанга афган тектүү баңгизаттардын ири партиясын ташып сатуу менен алектенген улуттар аралык баңгитобунун ишмердүүлүгүнө бөгөт коюшту.
Кармалгандардын бирөөсү Кыргызстандын аймагы аркылуу баңгизат ташуу жана аткезчилик менен алектенген Тажикстандын ИИМнин кызматкери  болот.
Бул кылмыштуу уюмдун ишмердүүлүгү так аныкталган бир нече түзүмдүк бөлүмдөрдөн турган. Кылмышкерлер жашыруундуулук  чараларын так сакташып, атайын тескемеден өтүп турушкан. ИИМдин Баңгизаттарды мыйзамсыз жүгүртүүгө каршы күрөшүү кызматынын кызматкерлеринин тыкыр ишинин жана натыйжалуу аракеттеринин арты менен Тажикстандын, Кыргызстандын жана Казакстандын криминалдык бирикмесинин катышуучуларына чыгышып, алардын лидеринин өздүгүн аныкташкан.
Кыргыз Республикасынын Кылмыш-жаза кодексинин 282-беренесинин 1-бөлүмүнүн (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо)  алкагында бул ыкчам иликтөө жана тергөө иш-чаралары жүргүзүлгөн. Бир жыл бою жүргүзүлгөн атайын операциянын натыйжасында улуттар аралык баңгитобунун бардык мүчөлөрү кармалды. Бул кылмыштуу топтун уюштуруучусу Тажикстандын жараны 1960-жылы туулган О.А. жана шериги Тажикстандын жараны 1982-жылы туулган И.М., Тажикстандын Ички иштер министрлигинин  кызматкери милициянын улук сержанты кармалды.
Мыйзамсыз жүгүртүүдөн табылып алынган афган тектүү баңгизаттар:  11 кг 299 грамм «апийим», 21 кг 942 грамм «гашиш». Баңгизаттардын жалпы салмагы   33 кг 241 граммды түзөт.
Азыркы учурда  баңгизат менен алектенген бул кылмыштуу топтун башка катышуучуларын жана аларга тиешеси барларды аныктоо боюнча ыкчам-иликтөө иш-чаралары жүрүп жатат.
Кармалган жарандар Бишкек шаарындагы №1 тергөө абагына киргизилген.
Иликтөө иштери жүрүп жатат.

ИИМдин Баңгизаттарды мыйзамсыз жүгүртүүгө каршы күрөшүү кызматынын кызматкерлери Баткен облусунун аймагында жүргүзүшкөн ыкчам-иликтөө иш-чараларынын натыйжасында Афганистандан чыккан баңгизаттарды  жеткирүү каналын уюштурууга тиешеси бар Афганистандын жараны 1980-жылы туулган М.И.К. кармашты.  Шектүүдөн афган тектүү баңгизаттар өзгөчө ири өлчөмдө табылып алынган: 6 кг. 942 гр. “героин” жана 9 кг. 550 гр. “гашиш”.
Кармалган адам бул баңгизаттарды Россияга, андан ары Европа өлкөлөрүнө ташуу жана сатуу үчүн Кыргыз Республикасынын аймагына кирүүнү пландаштырган.
Аталган факт боюнча Кыргыз Республикасынын Кылмыш-жаза кодексинин 282-беренеси (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) боюнча сотко чейинки териштирүү башталды.
Кармалган адам Баткен облусунун Кадамжай райондук ИИБдин убактылуу кармоочу жайына киргизилип, анын өздүгүн тактоодо деструктивдүү диний агымды жактаган адам экендиги аныкталган.
Учурда тергөө иштери уланууда.

Кыргыз Республикасынын УКМК Ош шаарынын аймагында мыйзамсыз баңги заттарын жүгүртүүнү аныктоо жана бөгөт коюуга багытталган ыкчам-издөө иш-чараларын жүрүшүндө КР Кылмыш-жаза кодексинин 282-беренесинин 2-бөлүмүнүн 2-пунктунда (Баңги каражаттарын, психотроптук заттарды, алардын аналогдорун сатып өткөрүү максатында мыйзамсыз даярдоо) боюнча Кылмыштардын бирдиктүү реестрине катталган кылмыш иштин алкагында милициянын полковнини А.У.К. жана милициянын старшинасы Т.у.А. кармалды.

КР УКМК кызматкерлери, аталган А.У.К. 2022-жылдын 1 нен 2 сине караган күнү түнкү саат 03:15 чамасында 894 грамм салмактагы өзгөчө жыты бар баңги затын белгиленген жерге бекитип таркатып жүргөн жеринен Ош шаардык Ички иштер башкармалыгынын (ИИБ) Уюшкан кылмыштуулук менен күрөшүү бөлүмүнун (УККБ) башчысы, милициянын подполковниги,1982-жылы туулган А.У.К. жана Ош шаардык Ички иштер башкармалыгынын (ИИБ) Милициянын кайгуул кызматы бөлүмүнүн (МККБ) 4-взводунун кенже инспектору 1998-ж.т. Т.у.А. кармады.

Жыйынтыгында Ош шаарынын аймагында мыйзамсыз баңги затын ташыган каналдардын биринин ишине бөгөт коюлду.

КР УКМК тарабынан КР Кылмыш-жаза кодексинин 282-беренесинин 2-бөлүгү (Баңгизат каражаттарын, психотроптук заттарды жана алардын аналогдорун сатып, өткөрүү максатында мыйзамсыз даярдоо) боюнча коңшу мамлекеттин аймагына мыйзамсыз түрдө жалпы салмагы 11,51 кг баңгизатын алып өтүү аракети менен мурда кармалган А.М.А. жана К.К.М. карата козголгон кылмыш ишин тергөөнүн алкагында, бул кылмыш ишине катыштыгы бар үчүнчү адам, мурда кылмыш болгон жерден качып кеткен Кыргыз Республикасынын жараны О.А.Ы. кармалды.

Ошондой эле, алардын колдоочусу катары КР жараны, милициянын отставкадагы полковниги Р.Ю.М. кармалып, анын үйүн тинтүү учурунда баңгизаты табылып алынган. Бул жагдай анын баңгизаттарын мыйзамсыз жүгүртүүгө тиешеси бар экенин тастыктады.

Азыркы учурда О.А.Ы. жана Р.Ю.М. Талас облусунун ИИБнын убактылуу кармоочу жайына киргизилип, козголгон кылмыш ишинин алкагында тиешелүү ыкчам-тергөө иш-чаралар жүргүзүлүүдө.

Кыргыз Республикасынын Кылмыш-жаза кодексинин 282-беренесинде (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) каралган кылмыштын белгилери менен козголгон кылмыш ишинин алкагында Кыргыз Республикасынын ИИМдин Баңгизаттарды мыйзамсыз жүгүртүүгө каршы күрөшүү кызматынын кызматкерлери тарабынан республиканын түштүк аймагынан Бишкек шаарына кара куурай баңгизаттарын ташуу жана сатуу каналын жоюу боюнча атайын операция ийгиликтүү жүргүзүлдү.
Тактап айтканда, “Притон” рейдинин алкагында ыкчам материалдарды ишке ашыруунун жүрүшүндө 2022-жылдын 3-мартында Бишкек-Ош авто жолунун “Сосновка” постунда саат 20:15 чамасында “Киа-Рио” үлгүсүндөгү авто унаасын Н.А. аттуу жарандын башкаруусунда токтотулган. Аны менен чогу авто унаанын ичинде 1986-жылы туулган Жалал-Абад облусунда тургуну О.Т.аттуу жаран болгон.
Кароонун жүрүшүндө О.Т. атуу жарандын каршылык көрсөтткөндүгүнө байланыштуу милиция кызматкерлери жарандардын өмүрүнө жана ден соолугуна коркунуч келтирбөө жана анын качып кетишине жол бербөө максатында авто унаанын алдыңкы жүргүнчү терезесин сындырып О.Т. аттуу жаранды кармашкан.
Сырткы кийиминин сол колтуктун астында желим целлофанга оролгон кап табылган, анын ичинде кара куурайдын өзгөчө жыты бар 21 таңгак кочкул жашыл түстөгү заттар алынган, андан тышкары О.Т. курткасынын сол каптал чөнтөгүнөн ошондой эле окшош белгилери менен 1 таңгак табылган.
Ал эми, Н.А. аттуу айдоочусун жана анын авто унаасын тинтүү учурунда эч нерсе табылган эмес.
Иликтөөнүн жүрүшүндө кармалган О.Т. аттуу жаран алынган заттарды өзү жасагандыгы буга чейин ИИМдин БМЖКККнын кызматкерлери тарабынан кармалган инисине Бишкек шаарынын Тергөө абагында коргоп, тийишпөө үчүн “Смотрящийге” алып бара жаткандыгын аныкталган.
О.Т. атуу жаранынан 22 таңгак өлчөмүндөгү алынган заттын жалпы салмагы 400 граммды түзгөн. Изилдөөнүн корутундусуна ылайык, алынган зат 393 грамм таза салмагы бар кара куурай чайыр (гашиш) баңгизат болуп аныкталган.
Кармалган О.Т. аттуу жаран Бишкек ШИИББнин Убактылуу кармоо жайына киргизилди.