Азимбек Бекназаров аны Темир Сариевдин өкмөтү “Унгар-Тоо Өзбекстандын территориясында жайгашкан” деп кол койгон документ боюнча чагымчылдык кылып жатат” деген билдирүүсүнө кошулбай турганын белгиледи.
“Мен чагымчылык кылгыдай кайсы ишти туура эмес кылыптырмын? Мен документтерди жасагыдай өкмөт мүчөсү эмесмин да. Протоколдо өкмөттүн печаты турат го. Мен аны кантип жасап коймок элем?”- деди Бекназаров.
Бекназаров Кербенге премьер-министр Темир Сариевдин өкмөтүнөн документ келген соң Кербен шаардык депутаттары кезексиз жыйынга чогулганын баса белгиледи.
“Кербен шаардык кеңешинин 32 депутаты Темир Сариевдин”Унгар-Тоо Өзбекстандын территориясында жайгашкан” деген документине макул болушкан жок. Демек, анда бул документтин күчү бар болчу да. Мен протоколду жасай калгыдай колумда өкмөттүн печаты бар беле? Темир Сариевдин өкмөтү 6 күн унчукпай жатышып, эми сырлары сыртка чыга баштаганда жандалбастап мени каралап жатат. Аргасы түгөнгөндөгү кадамдары ушул”,-деди Азимбек Бекназаров.
Ошондой эле Азимбек Бекназаров Жогорку Кеңешке барып, өзү айткан билдирүүлөр үчүн жооп берүүгө даяр экенин да кошумчалады.
“Жогорку Кеңештин депутаты Кубанычбек Жумалиевге тапшырдык ошол документтерди, Жогорку Кеңеш баа берсин деп. Менден күмөн санашса мени чакырышсын, Кербен шаардык кеңешинин депутаттарын чакырышсын. Район акими келсин. Жыйындын жүрүшүн коомчулук да көрүп туруусу кажет”,- деди ал.
Эске салсак бүгүн, Өкмөттүн Аппараты Унгар-Тоо боюнча өкмөттүн протоколу деп көчүрмөнүн социалдык тармактарда таратылышын кезектеги “Бекназаровдук” чагым деп билдирген. Билдирүүдө, “Социалдык тармактарда Өкмөт Жалал-Абад облусунун Аксы районундагы Унгар-Тоону башка өлкөгө таандык деп тааныды делген, Азимбек Бекназаров ойлоп чыгарган, жалган маалымат таратылууда. Мындай абсурддук маалыматтын таратылышы азыркы учурда айрым адамдардын чек аралар боюнча аяр маселени колдонуу менен Кыргыз Республикасынын улуттук кызыкчылыктарына зыян келтирип жатканына карабай, саясий капитал топтоого болгон ачыктан-ачык чагымы деп атоого болот» деп жазылган Темир Сариевдин аппаратынын билдирүүсүдө.
Булак: Каганат.
Оставить Комментарий
КОММЕНТАРИЙ КАЛТЫРУУ