Тажикстан борборундагы коомдук транспорттордо алгачкы аял кондукторлор пайда болду. Шаар тургундары автобус жана троллейбустардагы эркек кондукторлордун оройлугуна даттангандан кийин Дүйшөмбү мэриясы аялдарды ишке алуу чечимин кабыл алган.
Дүйшөмбүдө жүргүнчү ташуу менен алектенген «Душанбенаклиётхадамотрасон» мамлекеттик коммуналдык ишканасынын маалыматы боюнча, компанияда дээрлик 1000ге жакын кондуктор бар болсо, алардын ону гана аялдар. Компания жакынкы убактарда аял кондукторлордун саны кыйла көбөйөрүн, учурда коомдук транспортто иштөөнү каалаган айымдардын саны өскөнүн билдирүүдө.
Күн сайын коомдук транспорт айдоочулары менен кондукторлордун оройлугуна туш болгон дүйшөмбүлүктөр шаар бийлигине кайрылып, кызмат көрсөтүүнүн сапатын карап чыгып, адам ташуу менен алектенген компаниялар үчүн бирдиктүү талаптарды иштеп чыгуу сунуштарын айтып келишкен.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ