Бишкек шаарында жашаган Аксы райондук коомунун айрым мүчөлөрү менен кечээ өлкөнүн Өкмөт башчысы Темир Сариев жолугуп, Унгар- Тоону (Үңкүр-Тоону) биз өзбектерге берген жокпуз деп калп айтып, оппозицияга ишенип силер 30-мартта аксылыктарды митингке алып чыкпагыла деп өтүнгөн экен. “Аксы” коому өзү ушул аталган митингди уюштуруу боюнча штаб жетекчи кылып шайлаган Асан Турсункулов деген жигит, Фейсбук аркалуу аксылыктарды 30-мартта митингге чыкпагыла, Унгар тоону бийлик өзбектерге бербептир деп, элге жалган маалымат таратып жатат.
Урматтуу Аксы районунун кулундары,
Силер буга ишенбей, Кербен шаарынын депутаттары чыгарган чечимге ишенгиле! Алар Сариев Унгар-Тоону Өзбекстандын территорясы деп кол койгон документти колдоруна алган адамдар. Ошондуктан алар Сариевдин “Унгар-Тоодогу радиорелейный станцияларды башка жакка көчүргүлө” деген буйругун четке кагышкан. Ошол Сариевдин чечими бүгүн да өз күчүн жогото элек. Ошондуктан Сариевдин “Унгар-Тоо Өзбекстандын территорясы” деп кол койгон документти жокко чыгарыш үчүн, силер эртең, 30-мартта саат 10:00 Максим Горькийдин эс алуу багына тынч митинге келип, ушул маселени парламентин кароосуна койууга кол кабыш кылгыла. Унгар-Тоону сактап калууга силер демилгечи болсоңуздар, Кыргызстандын башка жерлеринин тургундары силерге көмөктөш болот. Ошондуктан Сариевге кылчактап силер Унгар-Тоону өзбектерге алдырып жиберүүгө себепкер болбогула.
Сариев кечээ киргендерге
“Биз кыргыздын бир сантиметр жерин да өзбектерге бербейбиз” деп айтыптыр. Буга силер ишенбегиле. Себеби мындай сөздү ал “Унгар-Тоону Өзбекстандын территорясы” деп кол койгондон кийин айтып жатат. Бул деген, орустар айткандай, “игра слов”. Сариев Унгар-Тоону Өзбекстандын территориясы деп таанып койгон документ жокко чыкмайынча, Унгар-Тоо өзбектердики болуп тура берет. Андай болбосо эмне үчүн Сариев, “Унгар-Тоодон радиорелейный станцияларды алып чыккыла”, деп Кербен депуттарына буйрук берип жатат. Сариевдин буйругу “Унгар- Тоону өзбектерге бошотуп бергиле” дегенди эле түшүндүрөт, урматуу Аксылыктар.
Кыргызстандын патриоттук күчтөрүнүн координациялык кеңеши
КОММЕНТАРИЙ КАЛТЫРУУ