Уӊгар-Тоосун коргоо комитетин түзүүнүн зарылчылыгы эмне себептерден улам, келип чыкты кеӊири токтолуп өтсөк. Акыркы 5 жылдын ичинде Уӊгар-Тоодун тегерегиндеги чырдын аягы тыйылбай келет. Президент Атамбаев Алмазбек Шаршенович же болбосо сааттын жебеси алдыга жылып, алмашкандай алмашып жаткан примерь-министрлердин бири элдин алдына чыгып, чечкиндүү бир түшүндүрмө бере албайт. Бүдөмүк ойлорду жаратып, мамлекеттик телеканалы болгон, КТР «2006-жылы ошол мезгилдеги президент К. Бакиев Тащкент шаарында № 20-протокол менен сатып жиберген деген такталбаган маалыматты таркатып, элге калп айтканга жетишти. Бирок, анысы билинип калгандан кийин ташка суу сиӊгендей жок болушту.
Эсиӊиздерде болсо ушул жылдын 10-май күнү Уӊгар-Тооду иликтөө боюнча Жогорку Кеӊештин «Республика-Ата Журт» парламенттик фракциясынын депутаттык тобу Аксы районунун Кербен шаарына келип, жергиликтүү бийлик жана эл менен жолугуп, кеӊири маалымат алышып кеткен! 17-июнь күнү өздөрүнүн чечимин чыгарды! Жакын арада жалпы Кыргыз журтчулугуна жарыя болот!
Биздин мамлекетти Парламенттик Өлкө дейбиз бирок, Жогорку Кеӊеште алты фракция болсо анын ичинен бир гана «Республика-Ата Журт» парламенттик фракциясынын депутаттары бул маселеге токтолуп, көйгөйдү чечүү боюнча Өкмөткө сунушун берди. Көпчүлүктү түзгөн, коалиция элдин үнүн укса укмаксан- көрсө көрмөксөн болуп, олтурганына эмне деерибизди да билбей калдык!
ЖК нын депутаты Тазабек Икрамов жана Кыргызстандагы дин аалымдарынын жаркын жылдызы болгон Жубак Ажы Жилиловдор «Жума Намаз» боюнча мыйзам долбоорун даярдап чыгышса бийликчил партиянынын айрым популист депутаттары ырылдашып, тирешүү президентке чейин жетти! Жер-Суу боюнча көйгөйгө көтөрүлсө ооз ачпай олтурган эл өкүлдөрүнө таӊ калуудан башка эч аргабыз жок!!
Жогорудагы айтылган терс жагдайлардан кийин, Уӊгар-Тоосун коргоо комитетин уюштуруу себеби келип чыкты;
2016-жылдын 23-мартында Аксы районунун Кербен шаардык кеӊешине келген, Өкмөттүн 2015-жылдын 11-ноябрындагы №18-177 кабыл алынган «О переносе радиорелейный станция Западного (РРС-15) находящейся на территории Республика Казахстан, и радиорелейный станция «Кербен» (РРС-24) находящейся на территории Республики Узбекистан» деген темадагы протоколун Өкмөттүн пресс катчысы жалган мындай протокол бизде болгон эмес, оппозиция өзү жазып алган деп, жалпы элге жарыя салган эле.
2016-жылдын 29-мартында Кыргыз Республикасынын Жогорку Кеӊешинин Эл аралык иштер, коргоо жана коопсуздук боюнча комитети КР нын Башкы Прокуратурасына «КР нын примерь-министрлигинде болгон кеӊешменин 2015-жылдын 11-ноябрындагы №18-177 протоколун бурмаланганын текшерүү жана юридикалак баа берүүсүн сунуштаган». Бирок, башкы прокуратура протоколдун нускасы (копия) бар бирок, асыл нускасын (оригинал) таппадык деп жооп берген.
Өкмөт жалган деп, ошондой эле Башкы прокуратура таппай койгон «Протокол поручение» бүгүнкү күндө тиешелүү органдар жана структуралар тарабынан иш алып барылып жатат. Протоколдук тапшырма боюнча 2016-жылдын 1-апрелинде жабык эшик артында Өкмөттүн өкүлдөрүнүн катышуусунда Кербен шаардык кеӊешинин кезексиз жыйырма экинчи сессиясында № 22/1 сандуу «Кербен шаарынын аймагынан радиорелейлик станция куруу үчүн жер аянтын ажыратып берүүгө макулдук берүү жөнүндө» токтом кабыл алынган. Токтомдо Кербен шаарынын «Ителги» участогунан (Бозбу-Тоо 41 47 918С, 71 78548В, 1798 м. бийиктикте жайгашкан) жаӊы радиорелейлик станция куруу жана инфраструктура үчүн жер аянтын ажыратып берүүгө макулдук берилген. Ошондой эле Ителги-Тоого жол куруу үчүн, 2016-жылкы Минтранстын иш планына кирип, бюджеттен 8 000 000 (сегиз миллион) сом акча каражаты бөлүнүп, Кербен ДЕП ке жол куруу боюнча буйрук келген. Аксы райондук мамлекеттик каттоо иш канасы «Мамлекеттик каттоо» документин жасап, Аксы райондук Архитектура мекемесине тиешелүү документтерди даярдап берүүгө жөнөтүлгөн.
Райондук бийлик, Өкмөт жалган деп тапкан протоколго кол коюуп, жаӊы станция курууга жер бөлүп берүүнү тездетүүгө тапшырма берип алып, кийин биз билбейбиз деп унчукпай олтурат. Жергиликтүү жетекчиликтин деӊгээли ушул болсо кимге ишенебиз!? Кыргыздын «Ишенген Кожоӊ сууга акса, алды-алдыӊдан Тал карма» деген макалындай болуп, Жогорку жана жергиликтүү бийлике ишенсек –Жер-Суубуздан ажырап калат окшойбуз. Ошондуктан Уӊгар-Тоосун коргоо комитетин түзүү зарылчылыгы келип чыкты.
Уӊгар-Тоосун коргоо комитетинин мүчөлөрү:
- Озокеев Эргешалы- Комитеттин төрагасы. Кербен шаарынын тургуну.
- Камчыбек уулу Шекербек-катчысы. Кашка-Суу айыл Өкмөтүнүн тургуну.
- Усубалиев Эдилбек – Кербен шаарынын Күлү-Дөбө айылынын айыл башчысы.
- Асанов Азамат – Кербен шаарынын Ак-Дөбө айылынын айыл башчысы.
- Төрөбеков Кадыр – Кербен шаарынын Курулуш айылынын айыл башчысы.
- Бекмырзаев Бердигул – Кербен шаарынын Жардуу-Колот айылынын айыл башчысы.
- Абылкасымов Бегалы – Кербен шаарынын Жетиген айылынын айыл башчысы.
- Таштанов Абдышүкүр – Кербен шаарынын Мамай айылынын айыл башчысы.
- Кыдыев Батырбек – Кербен шаарынын Дөӊ-Кыштак айылынын айыл башчысы.
- Момунов Тариел – Кербен шаарынын тургуну.
- Базарбаев Батырбек- Кербен шаарынын тургуну.
- Эшалиев Татай – Ак-Суу айыл Өкмөтүнүн тургуну.
- Төрөкулов Калдар – Ак-Суу айыл Өкмөтүнүн тургуну.
- Кайкиев Шамбет – Авлетим айыл Өкмөтүнүн тургуну.
- Узенов Бакыт – Авлетим айыл Өкмөтүнүн тургуну.
- Байызов Кылыч- Авлетим айыл Өкмөтүнүн тургуну.
- Ташбаев Азамат- Кашка-Суу айыл Өкмөтүнүн тургуну.
- Өтөмбаев Адылбек – Жерге-Тал айыл Өкмөтүнүн тургуну.
- Керимкулов Тилеген- Кара-Суу айыл Өкмөтүнүн тургуну.
- Турдубаев Мурат- Кара-Жыгач айыл Өкмөтүнүн тургуну.
- Ызаканов Мамбеталы- Кара-Жыгач айыл Өкмөтүнүн тургуну.
Автор: Камчыбек уулу Шекербек, Аксы районунун тургуну
Булак: Кyrgyztoday.kg
КОММЕНТАРИЙ КАЛТЫРУУ