Казакстандын тышкы карызынын көлөмү 12,8 миллиард долларды түздү. Бул тууралуу Улуттук банктын төрагасы Данияр Акишев билдирди.
Анын айтымында, тышкы карыздын өлчөмү өлкөнүн ички дүң өнүмүнүн 7 пайызын түзөт. Ал бул дүйнөдөгү эң аз көрсөткүчтөрдүн бири деп эсептейт.
Акишев акыркы мезгилде ММКлар тышкы карыз боюнча анчейин так эмес маалымат берип жаткандыгын айтты. Буга чейин айрым жергиликтүү басылмалар Казакстандын тышкы карызы 150 миллиард доллардан ашып кеткендигин жазып чыгышкан.
Улуттук банк жетекчиси май айында инфляция 0,5 пайыз чегинде кармалганын белгиледи. Бул “көп жылдан берки көрсөткүчкө шайкеш келет”. Улуттук банк быйылкы жылы инфляциянын деңгээли 6-8 пайыз болорун божомолдойт.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ