Жыл сайын Жалал-Абад областык ички иштер башкармалыгы калктын түрдүү катмарынын өкүлдөрүнүн башын кошуп ынтымакты, толеранттуулукту, салттуу динди даңазалаган ооз ачыруу “ифтарлык” уюштурат. Бул тууралу Жалал-Абад милициясынын басма сөз кызматы билдирет.
Быйылкы жылы да милиция уюштурган ифтарга жалпы жонунан 500дөй адам келип даам сызып ак баталарын берип кетишти. Ифтар учурунда биримдикке, ыйманга чакырган баяндар айтылды. Ошону менен катар Жалал-Абад жаштар коому жана маданият кызматкерлеринен уюштурулган “Жарамазан” кайрымдуулук акциясы да жүрүп чогулган каражаттар мүмкүнчүлүгү чектелгендерге, карыялар жана балдар үйлөрүнө тапшырыларын белгилешти.
“Биз, орозо айында элдик каада салтка айланган жарамазан айтып колунда бар чыгаан инсандардын үйлөрүнө чейин бардык. Бул жышаан орозо айы бүткөнгө чейин айтылат жана топтолгон акча каражаты атайын түзүлгөн комиссия тарабынан урна ачылып, эсептеп тактап жетим-жесирлерге, багар көрөрү жок сыяктуу муктаж инсандарга материалдык жардам беребиз. Албетте бул акциянын сунуштоочусу эч кимге сыр эмес ал Жалал-Абад ОИИБнын жетекчилиги. Алар бизге уюштуруу жагынан көмөктөшүүдө.”- деп билдирет “Жарамазан” кайрымдуулук иш-чарасынын уюштуруучуларынын бири КРнын эл артисти Рахматулла Козукеев.
КОММЕНТАРИЙ КАЛТЫРУУ