КР Жогорку Кеӊешинин төрагасы Чыныбай Турсунбеков бүгүн, 1-июлда VI чакырылыштагы парламенттин алгачкы сессиясынын жыйынтыгына арналган маалымат-жыйын өткөрдү. Иш-чарага кыргыз парламентинде аккредиттилген жалпыга маалымдоо каражаттарынын өкүлдөрү катышты. Журналисттер Ак үйгө кирүүдөгү кийинүү тартиби же дресс-код тууралуу дагы суроо узатышып, ал жөнүндө спикердин оюн угушту.
Ч.Турсунбековдун айтымында журналисттердин, айрыкча кыздардын Жогорку Кеңешке жакшынакай кийинип келгени депутаттардын көздөрүн кубантат экен.
“Мага чүмкөнүп кийинип алгандар жакпайт. Кыздар өтө ачык эмес, орточо кийингени жакшы. Бул жакта дагы ар кандай жагдайлар болуп калат. Мисалы, жакында эле бир кыз бир канча күн Жогорку Кеңешке майкачан келгенин депутаттар айтып жатышат. Түшүнөм, азыр күн ысык, баары жеңил кийингиси келет. Силер кыздар, жакшынакай кийинип келсеңер, биз силерди карап суктанабыз да”, – деди Турсунбеков.
КОММЕНТАРИЙ КАЛТЫРУУ