Жогорку кеңештеги «Өнүгүү-Прогресс» депутаттык фракциясы педофилдерге өлүм жазасын колдонуу боюнча Конституцияга өзгөртүү киргизүү жөнүндөгү мыйзам долбоорун коомдук талкууга алып чыкты.
Анда Баш мыйзамдын 21-беренесине «Өлүм жазасына жаш балдардын жыныстык кол тийбестигине каршы жасалган кылмыштарды кошпогондо, тыюу салынат» деп жазуу сунушталууда.
Документке тиркелген негиздеме-маалыматта мыйзам долбоору кабыл алынып калса жашы жете элек балдарга карата жасалган ырайымсыз кылмыштардын саны азая тургандыгы жазылган.
Расмий маалыматтар боюнча Кыргызстанда үй-бүлөлүк жана балдар зомбулугу өсүүдө. 2015-жылы балдарга каршы жасалган 1019 кылмыш катталган, алардын 182си сексуалдык мүнөздө болуп, 74 бала зомбулукка кабылган.
КОММЕНТАРИЙ КАЛТЫРУУ