Германия канцлери Ангела Меркелдин айтымында, Түркмөнстан чет элдик дипломаттарды абакка киргизүү мүмкүнчүлүгүн талкуулоого даяр. Немис лидери бул тууралуу Берлинде түркмөн президенти Гурбангулы Бердымухамедов менен биргелешип өткөргөн басма сөз жыйынында айтты.
«Биз Түркмөнстандагы абактарга дипломаттардын кирип чыгуусуна уруксат алууну талкууладык. Президент тышкы иштер министрлери сүйлөшкөн соң, эл аралык дипломаттар түрмөлөрдү кыдырып, абал менен жеринде таанышып чыга алышат деп убада берди», -деди Меркель.
Буга чейин Human Rights Watch укук коргоо уюму Берлинге кайрылып, түркмөн президенти менен түрмөдө жашыруун камалып жаткан саясий каршылаштар жөнүндө талкуу жүргүзүүгө, белгилүү журналистти бошотууга жана жарандардын өлкөдөн чыгуусуна салынган тыюуудан баш тартууну талап кылууга үндөгөн.
Бердымухамедов Конституцияны өзгөртүп, адам укуктары боюнча омбудсмен кызматын киргизүүгө ниеттенип жатканын айтты. Ал мындан тышкары мамлекетинде газды Евробиримдик өлкөлөрүнө экспорттоону кеңейтүү мүмкүнчүлүктөрү талкууланып жатканын кошумчалады. Анын айтымында, Еврокомиссия Ашхабаддын бул багыттагы сунушун алды.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ