Кыргызстандагы эки революциянын “буревестниги”, айтылуу демократ Т.Тургуналиев быйыл жайында Ысык-Көлдөгү Бүткүл дүйнөлүк көчмөндөр оюндарына даярдыкка арналган жыйында бул иш чаранын программасына “төө чечмей” оюнун киргизүү сунушун айтып, элдин эсин оодаргандан кийин жымжырт эле болуп калган.
Айрымдар “Топчуке эми саясый капиталын биротоло жоготту” дешкен. Бирок ал 1-августта жомоктогу баатырдай кайра “тирилди”. Болгондо да “Убактылуу өкмөттүн мүчөсү катары Роза Отунбаеванын көп былыктарын билем. Ал кылмышкерлерди өлкөдөн чыгарып жибергени үчүн жооп берген жок. Кылмышкерлерди жазалабаган, аларга жардам берген жетекчинин өзү кылмышкер. Ошондуктан терикпесин. Мойнуна алсын. Саясатчы сынга чыдоо керек. Элди, улуу майрамды тоготпой аянттан кетип калганы – эл журтту сыйлабаганы. Макул болбосо жообун айтпайбы? Анын колдоочулары аша чаап аны мактаптыр. Былыктарын неге айтпайт? Же Роза ошондой апапакайбы?”- деди. Ошентип жалгыз гана Топчуке президент А.Атамбаев тарапка өттү. Сыягы, быйыл күздө болуучу саясый оюндарда оппозиция тайм-аут алып, УӨ мүчөлөрүнүн ортосунда кармаш жүрөт окшойт.
Булак: “Майдан.kg”
КОММЕНТАРИЙ КАЛТЫРУУ