Өткөн жумада Бүткүл дүйнөлүк экинчи көчмөндөр оюндары башталып, баарыбыздын көңүлүбүз ушул иш чарага бурулуп жатканда президент А.Атамбаевдин кызы Алия Шагиева “Инстаграммдагы” баракчасына турмушка чыккандыгын жарыялады.
Болгондо да экөөсүнүн көл жээгинде кучакташып түшкөн сүрөттөрү менен. Күйөө баланын аты Костя экен. “Биз расмий түрдө жубайлар деп аталдык, куттуктоолорду кабыл алууга даярбыз” – деп жазыптыр. Албетте, Алия өзү тарткан сүрөттөрү, аны саткан акчаны кайрымдуулук иш-чараларга жумшагандыгы жана тамекини жарнамалап түшкөн фотолору менен белгилүү болуп, кайчы пикирлерди айтылып келүүдө. Ооба, “буудайдын барар жери тегирмен, кыздыкы… күйөө”,- демекчи, кимдин кызы болсо да бойго жеткен соң өз теңин таап, үй-бүлө курууга акылуу. Бирок президенттин эрке кызынын жүрөгүн кыргыз жигити эмес, орус, еврей же башка улуттун өкүлү багындыргандыгы кызуу талкууну жаратууда. Айрымдар Алияны айыптаса, дагы бирөөлөрү өз эрки экендигин айтышууда. Туура, мурдагы президент Акаевдин да кызы Бермет казак жигитке турмушка чыгып, бирөөлөр айтмакчы “бүткүл кыргыз элинин күйөө баласы”, эч нерсеге тойбогон А.Тойгонбаев бүткүл мамлекетти бизнеске айлантып, сызга отургузуп, 2005-жылы кайнатасы Маскөөнү көздөй качканда Бермет менен ажырашып кетпеди беле. Андыктан…
Булак: “Майдан.kg”
КОММЕНТАРИЙ КАЛТЫРУУ