Швед сүрөтчүсү Нильс-Петтер Эквалл «Бирдиктүү Орусия» партиясын шайлоо алдындагы үгүт иштеринде анын иллюстрациясын уруксатсыз пайдаланууга айыптады. Бул тууралуу ал өзү Behance сайтына жазды.
Партия сүрөттүн чынында эле шайлоо алдындагы үгүт иштеринде Төмөнкү Новгороддо пайдаланылганын швед журналисттерине ырастады.
Партия өкүлү Роман Зорин мындан ары «Бирдиктүү Орусия» башка бирөөнүн эмгектерин пайдаланбай турганын убадалап жана кечирим сурап, компенсация боюнча макулдашуу үчүн сүрөтчү менен байланышууга даяр экенин билдирди.
Сүрөтчүнүн өзү мында акча анчалык деле чоң роль ойнобостугун, болгону Орусия сыяктуу өлкөнүн анын эмгегин ушундай жол менен пайдаланышы кыжырын келтиргенин билдирди.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ