8-сентябрда Ташкентке Ислам кызматташтык уюмунун баш катчысы Ияд бин Амин Мадани барат. Андагы жолугушуулардын жүрүшүндө Өзбекстандын төрагалыгы алдында октябрда өтө турган уюмдун 43-сессиясына даярдык көрүү маселелери талкууланат.
Экономикалык изилдөөлөр борборунан билдиришкендей, бул – Ислам кызматташтык уюмунун жалпы саясатын ишке ашыруу үчүн негизги багыттарды иштеп чыгууга мүмкүндүк берген жыл сайын өтчү маанилүү иш-чара.
Ислам кызматташтык уюму чоңдугу боюнча БУУдан кийинки экинчи турган өкмөттөр аралык уюм болуп эсептелет. Ал жалпы калкы 1,5 миллиардан ашкан 57 өлкөнү бириктирет. Башкы максаты – мусулман өлкөлөрүнүн ортосунда социалдык, экономикалык жана саясий тармактагы кызматташуу, эл аралык аренада биргелешип ишмердик жүргүзүү жана мүчө өлкөлөрдүн туруктуу өнүгүшүнө жетишүү.
Өзбекстандын төрагалыгы астында уюмга мүчө өлкөлөр ортосундагы илимий-техникалык, соода жана инвестициялык кызматташтыкты өнүктүрүү, терроризм жана экстремизм идеологиясына каршы күрөшүүдөгү аракеттерди бириктирүү, ошондой эле өзөктүк куралдан эркин болгон географиялык аймакты кеңейтүүгө жетишүү болжолдонууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ