Аз күн мурда Темир Сариевди прокуратура кызматкери тендер чуулганы боюнча суракка чакырыптыр. Суроолор башталганда эле Темикең тердеп-кургап, апкаарып, аябай кыйналганын маалымдашты. Тергөөчү жигит мыжыкый окшойт, туура 6 саат эзип, аягында “Темир Аргембаевич, жакында дагы чакырам, суроолор бар” деп зекип, анан жолго салыптыр. Ошондон кийин экс-премьердин ындыны өчүп, саясаттан алыстап калганы байкалууда. Жадагалса Убактылуу өкмөттүн президент Атамбаевге каршы кайрылуусуна дагы кол койбой, тескерисинче, бийлик тараптан жылчык таап, сүйлөшүүгө ынтызар болуп жүргөнү айтылууда. Акүйгө сырын алдырып, анүстүнө толорсугунан илдирип алган Темикең эми кыл чайнашкан күрөштөргө катышпай эле шүк жүрөт го. Эске сала кетсек, кытайлык фирмадан Балыкчы-Корумду жолунун куруу шылтоосу боюнча Сариев 6 миллион доллар алганы ММКларга чыгып келген. Миллиондордун түйүнү чечилеби?..
Булак: Азия Ньюс”
КОММЕНТАРИЙ КАЛТЫРУУ