Чаткал жана Токтогул райондорундагы жол кырсыгынан дарыяга агып кеткен адамдарды издөө ишин күчөтүү максатында, Кыргыз Республикасынын Өзгөчө кырдаалдар министрлигинин Республикалык өзүнчө куткаруу отрядынынан куткаруучулар жөнөп кетишти. Бул тууралуу аталган министрликтин басма сөз кызматы билдирди.
Эскерте кетсек, Токтогул районунда 2016-жылдын 14-июлу күнү саат 06:30 чамасында Бишкек-Ош унаа жолунун 243-чакырымында Спринтер үлгүсүндөгү мамлекеттик № О10 94R унаанын айдоочусу рулду башкара албай Чычкан суусуна түшүп, айдочусу агып кеткен. Буга чейин, издөө иштерине КР ӨКМнин 97-өрт-куткаруу бөлүмүнун куткаруучулары издеп келишкен. Кошумча күч каражаттарына Кыргыз Республикасынын Өзгөчө кырдаалдар министрлигинин Республикалык өзүнчө куткаруу отрядынан кошумча 7 куткаруучу тартылды.
Ошондой эле, Чаткал районунда 2016-жылдын 6-сентябры күнү саат 06:00 чамасында Ала-Бука-Каныш-Кыя-Жаны-Базар унаа жолунун 101-чакырымында Кызыл-Бел тилкесинде “Митсубиси Делика” унаасы Чаткал дарыясына түшүп, айдочусу агып кеткен. Издөө иштерине КР ӨКМнин 81-өрт-куткаруу бөлүмүнүн куткаруучулары тарабынан издөө иштери жүргүзүлгөн. Издөө аймагын кеңейтүү максатында Кыргыз Республикасынын Өзгөчө кырдаалдар министрлигинин Республикалык өзүнчө куткаруу отрядынан 8 куткаруучу жөнөтүлдү.
КОММЕНТАРИЙ КАЛТЫРУУ