Учурда сүрмө топ болуп бараткан оппозиция тазаланса, анан реалдуу күчтөр баш көтөрсө, бийликке альтернативалуу көз карашы менен сын пикирлерин таамай айтса, ошондо өнүгүүгө кандайдыр бир жол ачылмак. Азырынча интеллектуалдык элита, ошондой эле саясый эрктүү генералдар унчукпай турганын байкап атабыз. Алардын көч башында генерал Өмүрбек Суваналиев турат. Жай айынан башталган Конституциянын айланасындагы чатакка, референдумдун талаш-тартышына Өмүке үн катпады. Эгер Кыргызстанда туруксуздукка шек келтиргендер чыга берсе, эртең бир балээ болуп кетсе, анда генерал Суваналиевдин жол тапкычтыгына суусап калбайбызбы? Билебиз, Кыргызстанда кандайдыр бир кризистик кырдаал жаралганда, же жерибиздин чекесин өрт каптай баштаганда «Комиссар Катани» формасын кийип, кооптуу жерлерге барчу эле. Андай жамандыктын жүзүн ары кылсын, бирок, эртеби-кечпи генерал Суваналиевдин жол башчылык эрдигине муктаж болобуз. Ошон үчүн бийликтегилер эртелеп акылына келиши керек…
Тайлак НАЗЫМОВ
Булак: Азия Ньюс
КОММЕНТАРИЙ КАЛТЫРУУ