17-сентябрда Нью-Йоркто жана Нью-Жерсиде болгон жардыруулар үчүн шектелип жаткан 28 жаштагы Ахмад Хан Рахами кармалды. Расмий маалыматка караганда, теги оогандык АКШ жараны Рахами Нью-Жерсидеги Линден шаарында полициячы менен ок атышуудан кийин жараат алып колго түшүрүлдү.
Аны тез жардам машинасы алып кеткени маалымдалууда. Нью-Йорктогу жардыруудан 29 киши жараланган.
Рахамиге 19-сентябрда издөө жарыяланып, анын сүрөтү жер жерлерге таркатылган. Тергөөчүлөр маалымдагандай, колго жасалган бомба спорт дүкөндөрүндө сатылган Таннерит деген зат менен дүрмөттөлгөн. Ошондой эле ал бомба Бостон марафону учурунда колдонулган жардыргычтарга окшош болуп чыкты.
https://www.youtube.com/watch?v=83kRAHHCS-I
https://www.youtube.com/watch?v=FeiP-tDUmFY
Булак: Борбор Азия жаңылыктар кызматы
Видео: euronews
КОММЕНТАРИЙ КАЛТЫРУУ