– Жылдыз Жолдошеванын 2017-жылкы бийликке Убактылуу Өкмөттүн бири да келбеши керек деген демилгесин колдойсузбу?
– Ж. Жолдошеванын айтканына кошулбайм. 2017-жылдык Президенттик шайлоого катыша тургандарды люстрациялоо маселеси болсо, аны бүгүндөн баштап Жогорку Кеңеш карап, элге алып чыгып, мыйзам кабыл алышы керек. Акаев, Бакиев, Убактылуу Өкмөт, Атамбаев режимдерине кызмат кылгандар президенттик шайлоого катыша албайт деген мыйзам кабыл алса, шайлоо мыйзамдарын оңдоп, катыша тургандарга бирдей шарт түзүлсө, акча атаандаштыгына тыюу салынса, элибиз пейлин оңдосо татыктуу Президент шайланып өлкөбүз оңолмок. Мен 5 жылдан бери Атамбаевге кайрылып келем, Атамбаев 7 жылдык мөөнөттө көптөгөн орчундуу себептер менен, эч нерсени өзгөртө албайт. Бирок элибизди, мекенибизди ойлосо, коррупционерлердин баарына согуш жарыялап, аёосуз камап, конфискациялап, саясый аренаны таза, жаңы муун өкүлдөрүнө бошотуп берсе чыныгы жетишкендик болмок. Биз, Жаңы Муун, таза саясый аренада, ишибизди реформадан, өзгөртүүдөн, өнүгүүдөн баштамакпыз.
Булак: Асман плюс
КОММЕНТАРИЙ КАЛТЫРУУ