Белгилүү журналист Бейшенбек Бекешовго эмне болгон деген суроо жаралды. Ал өзүнүн Фейсбуктагы социалдык баракчасына “Эгер биз Текебаевдин кадырын билбесек, анда адам деле, эл деле эмеспиз” – дептир. Бейшенбек ава негизи сакалдуу журналисттердин катарына кирет, аны сыйлайбыз. Бирок бир Текебаевди колдобой койгону үчүн жалпы кыргыз эли эл болбой, адам болбой калабы? Ээ ботом, Текебаев биз үчүн ким? Кудайбы? Же казаныбызга аш салып берип жатабы? Эми Текебаевдин кадырына жетпегенде эмне тебелеп жатабызбы. Жыйырма жыл кыргыз эли Текебаевдин ырын жакшы эле ырдап келди го. Акыр аягында өз абийирин өзү ачып жатпайбы. Эл эмес, Текебаев кыргыздардын кадырын билбесе анда адам эмес. Мына ушуга окшогондор бийликке келсин деп 7-апрелде жүздөгөн азаматтар курман болушкан. Ошолордун үмүттөрү азыр акталдыбы? Балким Бейшенбек ава ачуусу менен бул сөздү айтып жибергендир, ошол себептүү сөзүн кайта алат деп ишенебиз…
Булак: Ачык саясат
КОММЕНТАРИЙ КАЛТЫРУУ