Өзбекстандын Тышкы иштер министрлигинин расмий сайтындагы маалыматка ылайык, Фергана жана Анжиян шаарларында эки өлкөнүн чек араны тактоо боюнча өкмөттүк делегацияларынын жолугушуусу өттү. Анын алкагында адистер Ош, Жалал-Абад жана Баткен облустары менен чектешкен аймактагы 55 талаштуу аймакка чыгып, жеринен таанышты.
Жолугушуунун жыйынтыгында протоколго кол коюлганын Өзбекстандын Тышкы иштер министрлиги кабарлады.
Азырынча бул жолугушуу боюнча кыргыз расмийлери маалымат бере элек.
Кыргыз-өзбек чек арасы 1378 чакырым аралыкты түзсө, учурда анын 320 чакырымы тактала элек. Мунун айынан акыркы жылдары чек арада ар кандай чыр-чатактар орун алып келет.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ