Патрулдук милициянын кызматкерлери президенттик аппараттын жетекчиси Фарид Ниязовду жол эрежесин бузгандыгы үчүн миң сомго айып пулга жыгышты. Маалыматты өлкө президентинин аппараты тастыктады.
Окуя 14-октябрда Байтик баатыр көчөсүндө болгон.
Ниязов Административдик кодекстин 235-беренеси боюнча жазаландырылды. Ага ылайык, жол белгилери, жол чийин эрежелери сакталбай, автоунааны ашып өтүү эрежеси бузулган учурда айып пул салынат.
Патрулдук милицияга Ниязов токтоп, айып пул төлөп берип жаткан учурдагы сүрөттөр социалдык түйүндөрдө жарыяланды. Айрым интернет колдонуучулар муну эл алдындагы жөн гана оюн катары баалашууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ