Акыркы күндөрү Ашхабад полициясынын Жол коопсуздук кызматынын атайын айып жайында эски автоунаалардын көбөйгөнүн байкоого болот. Алардын көбүн советтик өндүрүштөгү «Жигули» машиналары түзөт.
Унаалары айып жайына жеткирилген айдоочулардын айтымдарында, полиция кызматкерлери алардын машиналарын эч нерсе түшүндүрбөстөн эле алып кетишүүдө.
Унаа ээлери эски транспорт каражаттарын кармоо — Азия-2017 оюндарына даярдык көрүү иштерине байланыштуу деп эсептешүүдө. «Эски «Жигули» менин жалгыз киреше булагым. Эгер мени азыр айып пул төлөөгө аргасыз кылып, кийин автоунаамды пайдаланууга тыюу салса кантип жашайм?» – деп суроо салды Ашхабаддын 60 жаштагы тургуну.
«Азаттыктын» түркмөн кызматы жарандардын автоунаалары кармалып жаткан учурлардын көбөйүп жатышынын себептерин аныктоого аракет кылган. Бирок журналисттердин ИИМге жана Ашхабаддын жол коопсуздук кызматына кайрылуусу эч кандай натыйжа берген жок.
Түркмөн бийлиги эски унааларды пайдаланууга чектөө киргизүү боюнча бир канча жолу чараларды көргөн. Анда ал аракеттер эски транспорт каражаттарынын өлкөдө каралган расмий стандарттарга туура келбей тургандыгы менен түшүндүрүлүп келген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ