Вандалдар Подмосковьенин Электрогорск шаарындагы мусулман маданий борборунун дубалдарын булгап жазып кетишти. Бул тууралуу РИА Новостиге ислам коомунун жетекчиси Дамир Булатов кабарлады.
Анын айтымында, окуя бүгүн таңга маал болгон. “Эртең менен саат беште борбордун кароолчусу чалып, бул боюнча кабар берди. Имараттын дубалдарын жана фасадын белгисиз кишилер көк боёк менен чийгилеп кетишкен. Ниети бузуктар абдан шашышкан сыяктуу – алар ибилистин белгилерине окшош нерселерди гана тартууга үлгүрүшкөн”, -деди Булатов.
Анын айтымында, мусулман борборуна видео көзөмөл орнотулган эмес. Бул окуядан кийин ал жерди тиешелүү техникалык жабуулар менен камсыздоо пландалууда.
Мындан тышкары Булатов бүгүн прокуратурага арыз менен кайрыларын кошумалады.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ