Ооганстандын Нангархан провинциясына АКШ тарабынан ташталган эң чоң өзөктүк эмес бомбанын натыйжасында “Ислам мамлекети” тобунун кеминде эле 36 жоочусу жок кылынды. Бул тууралуу Ооганстандын Коргоо министрлиги билдирди.
Мындан тышкары жер астындагы үч өтмөктү, курал-жарак, ок-дарыларды жок кылууга мүмкүн болду. Аскерлердин маалыматына караганда, чабуулда жай тургандар жабыр тарткан жок.
Нангархар провинциясынын губернатору Гулаб Мангаль кабарлагандай, жоочулар бомбаланган өтмөктөрдүн комплексин аскердик түрмө катары колдонушкан жана маанилүү жыйындарды өткөрүп турушкан.
АКШ “бардык бомбалардын энеси” аталган GBU-43B бомбасын бейшемби күнү кечинде таштаган. Биринчи жолу ал 2003-жылы сыноодон өткөн, ошондон бери колдонула элек болчу. Бомбанын жарылуу күчү 11 тонна тротилди, кыйратуу радиусу – 140 метрди түзөт.
Ооганстан президентинин администрациясы операция буга чейин өлкө бийлиги менен макулдашылганын маалымдады.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ